काठमाडौँ । नेपाली कांग्रेसको सभापतिका प्रत्यासी विमलेन्द्र निधिले वरिष्ठ नेता रामचन्द्र पौडेललाई सर्वसम्मत सभापति बनाउन प्रस्ताव गरेका छन् । चितवन–काठमाडौँ प्रजातान्त्रिक संगमले गरेको कार्यक्रममा उनले पौडेललाई न्याय पनि हुने र पार्टीमा पनि एकताका सन्देश जाने भन्दै यस्तो प्रस्ताव राखेका हुन् ।
जावलाखेलमा आज संगमले कार्यक्रम गरेको छ । उनले पार्टी महाधिवेशन सुरु हुने दिन यस्तो प्रस्ताव राख्दै कांग्रेस सभापतिको प्रतिस्पर्धालाई नयाँ मोड दिएका छन् । उनी आफैँ पनि सभापतिको उम्मेदवार हुन् । नीधिले देउवाको साथ छोड्दै सबैभन्दा पहिले सभापतिमा दाबेदारी प्रस्तुत गरेका थिए ।
उनले पार्टीभित्र एकताको सन्देश दिन जरुरी भएको बताएका छन् । उनले पौडेललाई सर्वसम्म सभापति बनाउँदा आफूले स्वीकार गर्ने बताएका छन् । यो अवस्था नभए आफूले उम्मेदवारी कायमै राख्ने बताएका छन् ।
उनले केन्द्रीय समितिको अन्तिम बैठकमा पौडेल नआउनु दुःखद भएको पनि बताए । उनले अहिले देउवाले फराकीलो छाति बनाएर पौडेललाई सहमतिमा लिएर अगाडि बढ्नु पर्ने बताए ।
