काठमाडौं । पछिल्लो २४ घण्टामा नेपालमा थप २३५ जनामा कोरोना सङ्क्रमण पुष्टि भएको छ ।
स्वास्थ्य तथा मन्त्रालयका अनुसार पछिल्लो २४ घण्टामा पीसीआर विधिबाट ७८८५ र एन्टिजेन विधिबाट ११९९ जनामा परिक्षण गर्दा २३५ जनामा कोरोना संक्रमण पुष्टि भएको हो । यससँगै नेपालमा कुल संक्रमितको संख्या पीसीआरबाट ८ लाख २८ हजार ४३१ र एन्टिजेनबाट ९६ हजार २०२ जना पुगेको छ ।
यस्तै, पछिल्लो २४ घण्टामा थप २१२ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख ११ हजार ९५८ जना पुगेको छ । निको हुने दर ९८ प्रतिशत रहेको छ ।
यसैगरी पछिल्लो २४ घण्टामा संक्रमणबाट थप ४ जनाको मृत्यु भएको छ । यससंगै नेपालमा कोरोनाबाट ज्यान गुमाउनको कुल संख्या ११ हजार ५९४ छ । हाल देशभर सक्रिय संक्रमितको संख्या ४ हजार ८७९ रहेको छ ।
