आजको पञ्चाङ्ग
श्रीशाके १९४३ शिशिर ऋतु राक्षसनामक संवत्सर नेपाल सं. ११४२ वि.सं. २०७८ माघ ५ गते बुधबार तद्अनुसार सन् २०२२ जनवरी १९ तारिख माघ कृष्णपक्ष द्वितीया तिथि अश्लेषा नक्षत्र प्रीति योग तैतिल करण आनन्दादिमा राक्षस योग चन्द्रमा कर्कट राशिमा भ्रमणशील रहला । काठमाडौंमा सूर्योदय बिहान ६ः५७ मा र सूर्यास्त साँझ १७ः३२ मा हुनेछ ।
आजको राशिफल
मेष – समय मिश्रित फलदायक रहनेछ । व्यापार–व्यवसायमा सोचेको लाभ नमिल्न सक्छ । विगतका समस्या बल्झिन सक्ने हुँदा विचार पुर्याउनुहोला । सहयोगको आशा देखाउनेहरूले झुक्याउन सक्छन् । ऋण, रोग र शत्रुमाथि ध्यान राख्नु पर्नेछ । भागदौड बढ्ला । अरुको भर नपर्नु हितकर हुनेछ ।
वृष – दिन शुभ र लाभदायक रहला । शत्रुहरू किनारा लाग्नेछन् भने प्रतिस्पर्धामा पनि विजयी भइनेछ । काम बन्नाले उत्साह जाग्नेछ । एउटै कामबाट दोहोरो लाभ मिल्नेछ । आफ्नो क्षेत्रमा प्रभुत्व जमाउन सकिनेछ । सन्तानसुख मिल्नेछ । मिठो भोजन खान पाउनुहुनेछ । आरोग्यता बढ्ला । बौद्धिक र रचनात्मक काममा सफलता मिल्नेछ । रसरागमा आकर्षित हुनुहुनेछ । मान पुरस्कारको प्राप्ति हुनेछ ।
मिथुन – थोरै उपलब्धिका लागि पनि निकै मिहिनेत गर्नुपर्ने समय छ । सामाजिक उत्तरदायित्व बहन गर्दै फाइदा हुने काम र जिम्मेवारी हात पार्ने मौका पनि छ । लगानी र श्रमको उचित मूल्य पाइँदैन । रोकिएको धन मिल्नेछ । आरोग्यता बढ्ला । आफन्तको सहयोग मिल्नेछ ।
कर्कट – शत्रुबाट काममा अवरोध हुन सक्ने हुँदा आफ्ना योजना गोप्य राखेर अघि बढ्दा फाइदा हुनेछ । गल्तीबिनै आरोप लाग्न सक्छ । प्रेममा सफलता प्राप्त हुनेछ । आरोग्य वृद्धि हुनेछ । मिठो भोजन प्राप्त हुनेछ । बौद्धिक र रचनात्मक काम बन्नुका साथै रोकिएका काम बन्नेछन् । इष्टमित्रको साथ प्राप्त हुनेछ ।
सिंह – सवारीसाधन उपयोग गर्दा अलि सावधानी अपनाउनुपर्ला । रोकिएका काम बन्नाले उत्साह जाग्नेछ । प्रेमको बन्धनमा कसिनेछ । अरूको विश्वासमा पर्दा अन्त्यमा धोका मिल्न सक्छ । लगानी बढ्नेछ । भागदौड व्यस्तता बढ्नेछ । रसरागमा आकर्षण बढ्नेछ । खर्च वृद्धि हुनेछ । ऋण रोग र शत्रुप्रति सचेत रहनुहोला । अस्तव्यस्ततामा वृद्धि हुनेछ ।
कन्या – दाम, इनाम र प्रतिष्ठा कमाउने बेला छ । भूमि, वाहन र पैत्रिक सम्पत्तिबाट लाभ मिल्ने योग छ । नयाँ काममा हात हाल्न केही समय पर्खंदा राम्रो हुनेछ । रोकिएको धन प्राप्त हुनेछ । यात्रामा सफलता प्राप्त होला । धनसम्पति ऐश्वर्य बढ्नेछ । सबै प्रकारले अनुकूलता वृद्धि हुनेछ । विकासको नयाँ सम्भावना देखापर्नेछ ।
तुला – यात्रामा समस्या आउने र बाध्यताका काममा जुट्नुपर्ने योग छ । आतिथ्यपूर्ण सम्मान पाइएला । बलजफ्तीले चिताएको काम बिग्रन सक्छ, धैर्यसाथ बुद्धिको उपयोग गर्दा बिस्तारै काम बन्नेछ । अरुको भर नपरी आफ्नै बलविवेकले कार्य गर्नु उचित रहनेछ । आर्थिक प्रगति होला र मनमा सन्तुष्टि पनि मिल्नेछ । मान सम्मानमा निरन्तर वृद्धि भैरहनेछ । मिठो भोजन खान पाउनुहुनेछ । बोली र व्यक्तित्वको प्रभाव बलियो बन्नेछ ।
वृश्चिक – आशा देखाउनेहरूको भर पर्दा धोका हुन सक्छ । केही अप्ठ्यारा परिस्थितिसँग
सम्झौता गर्नुपर्दा मन खिन्न रहनेछ । तापनि समुदायको हक हितको संरक्षण गर्दै धेरैको भलाइ हुने काम गर्न सकिनेछ । समय अनुकूल फलदायक रहला । प्रेममा सफलता मिल्नेछ । विवादमा नपर्नु हीतकर होला । जीवनसाथीको सहयोग मिल्नेछ । आफन्तको सहयोग मिल्नेछ । आर्थिक पक्ष पनि बलियो बन्नेछ ।
धनु – बन्ने निश्चय भएको काम अचानक बिग्रन सक्छ । लगनशीलताले कीर्तिमानी दिलाउन सक्छ । विभिन्न अवसर जुटे पनि अरूलाई वचन दिने बानीले दुःख पाइनेछ । आश्वासन दिएर झुक्याउनेहरूले सताउन सक्छन् । धनको आवागमन भैरहनेछ । भागदौड वृद्धि हुनेछ । रोकिएको काम बन्नुको साथै लगानी उठाउन चाहेमा सफल रहनुहुनेछ । दैनिक काममा सफलता मिल्नेछ । विवादबाट बच्नुहोला ।
मकर – स्वास्थ्य कमजोर रहला । व्यावसायिक काम बीचमा अवरुद्ध बन्न सक्छ । आम्दानी बढ्नेछ भने आतिथ्यपूर्ण सम्मान प्राप्त हुन सक्छ । दाम्पत्य जीवन सुखद बन्नेछ । रसराग प्रेममा सफलता मिल्नेछ । अरुको भर नपरी आफ्नै बलविवेकले कार्य गर्नु हितकर रहनेछ ।
कुम्भ – प्रयासरत काम बन्नेछ । आफ्नो प्रतिभा अरूलाई देखाउन सकिनेछ । प्रयत्न गरेका काम ढिलै सम्पादन भए पनि उपलब्धि पाइनेछ । न्यून उपलब्धिमा चित्त बुझाउनुपर्ने समय छ । देखापरेको समस्याको समाधान मिल्नेछ । मान प्रसंशा बढ्नेछ । नयाँ सम्भावना देखापर्नेछ । बोली र व्यक्तित्वको प्रभाव बढ्ला । यात्रापरक काममा सफलता प्राप्त हुनेछ । वार्तामा सफलता मिल्नेछ ।
मीन – आरोग्यता बढ्ला तर सरकारी कडिकडाउको सिकार भइनेछ । अधिकार सुरक्षा गर्न जुट्नुपर्नेछ । शोख पूरा गर्नमा खर्च हुनेछ । नयाँ काममा हात हाल्न केही समय पर्खंदा राम्रो हुनेछ । सुख शान्ति बढ्नेछ । मनोकूलको काम बनेर मन प्रशन्न भैहाल्नेछ । शुभ काममा भाग लिनुहुनेछ । यश वर्चश्व बढ्ला । सुखको वस्तुको लागि धन खर्च गर्नुहुनेछ । मिठो भोजन मिल्नेछ ।
