कोरोनाबाट थप नौं जनाको मृत्यु, १,३८६ संक्रमित थपिए

काठमाडौं । नेपालमा पछिल्लो २४ घण्टामा १,३८६ जनामा कोरोना भाइरस संक्रमण पुष्टि भएको छ । यस अवधिमा ११ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार देशभर ९,२५१ नमुना परीक्षण गरिएको थियो ।

६,४४३ जनाको पीसीआर परीक्षण गर्दा १,१८३ र २,८०८ जनाको एन्टीजेन परीक्षण गर्दा २०३ गरी १,३८६ जनामा संक्रमण पुष्टि भएको छ । पछिल्लो २४ घण्टामा ८,७०४ जना संक्रमणमुक्त भएका छन् । हाल देशभर ४५ हजार २४८ सक्रिय संक्रमित छन् ।