नेपालमा सोमबार ३८८ जना कोरोनासंक्रमित थपिएका छन् । देशभरका विभिन्न प्रयोगशालामा ८ हजार १४० जनाको नमुना परीक्षण गरिएकोमा ३८८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
सोही अवधिमा थप ४ संक्रमितले ज्यान गुमाएका छन् । यससँगै नेपालमा कोरोनाबाट ज्यान गुमाउनेको संख्या ११ हजार ९२५ पुगेको छ ।
यस्तै, पछिल्लो २४ घन्टामा एक हजार २०५ जना संक्रमणमुक्त भएका छन् । हाल देशभर ११ हजार २८२ जना सक्रिय संक्रमित रहेका छन् ।
