बुटवल । सियारी गाउपालिकामा राष्ट्रपति शिल्ड प्रतियोगिता २०७८/०७९ सम्पन्नभएको छ । वर्षाका कारण प्रभावित भएको खेल दुई दिन ढिला गरि सम्पन्न भएको हो ।
प्रतियोगिता अन्तर्गत सियारी गाँउपालिका हलमा भएको कबड्डी प्रतियोगिताको छात्रतर्फ समयमाई माबि प्रथम हुन सफल भएको छ । गणसरी माीका खेलाडीहरु द्वितीय तथा जनता माबी र जङ्गहत्था माबीका खेलाडीहरु तृतीय स्थान हासिल गरेका छन । यसैगरि छात्रातर्फ जनता माबीका खेलाडीहरु प्रथम स्थान हासिल गरेका छन । रोज बड एकेडेमीका खेलाडीहरु द्वितीय तथा सिद्धार्थ माबी र समयमाई माबीका खेलाडीहरु तृतीय स्थान हासिल गरेका छन ।
त्यस्तै १ हजार ५ सय मिटर दौडमा छात्रातर्फ समयमाई माबीकी आरती केवटले ७ मिनेट ३७ सकेण्डमा दुरी पार गर्दै प्रथम स्थान हासिल गरेकी छिन । दुर्गादेवि माबीकी ईन्दिरा गुरुङले ७ मिनेट ४७ सेकेण्डमा दुरी पार गर्दै दोस्रो भईन् भने पब्लिक माबिकी रजनी मल्लाहले ७ मिनेट ५३ सेकेण्डमा दुरी पार गर्दै तेस्रो भईन् ।
छात्रतर्फ जनता माबीका सुरेश केवट ५ मिनेट ३६ सेकेण्डमा दुरी पार गर्दै प्रथम स्थान हासिल गरे । समयमाई माबीका अनिल केवट ५ मिनेट ४० सकेण्डमा दुरी पार गर्दै दोस्रो तथा रोसबड एकेडेमीका सचिन कुर्मी ५ मिनेट ४७ सकेण्डमा दुरी पार गर्दै तेस्रो भए ।
यसगरि ३ हजार मिटर दौडमा छात्रातर्फ दुर्गादेवि माबीकी ईन्दिरा गुरुङले १५ मिनेट ३६ सकेण्डमा दुरी पार गर्दै प्रथम भईन् । गणसरी माबीकी सुस्मितायादव १५ मिनेट ४६ सेकेण्डमा दुरी पार गर्दै दोस्रो तथा चिलिया माबीकी रिन्की केवत १५ मिनेट ५५ सेकेण्डमा दुरी पार गर्दै तेस्रो भईन् । छात्र तर्फ जनतामाबीका सुरेश केवटले ११ मिनेट २१ सेकेण्डमा दुरी पार गर्दै प्रथम, समयमाई माबीका अनिल केवट ११ मिनेट ३४ सेकेण्डमा दुरी पार गर्दै दोस्रो तथा बिरेन्द्र माबीका दिनेश पासी र पब्लिक माबीका प्रदीप पासी ११ मिनेट ४३ सेकेण्डमा दुरी पार गर्दै तेस्रो भए ।
एक समारोहकाबीच गाउंपालिकाका प्रमुख प्रशासकिय अधिकृत रोमनाथ न्यौपानेले प्रतियोगिताको विजेता, उपविजेता टिम तथा खेलाडीहरुलाई पुरस्कार बितरण गरेका थिए । कार्यक्रममा बोल्दै प्रमुख घिमिरेले खेलकुदका नयाँ युवा खेलाडी उत्पादनगर्ने प्रयासकारुपमा यो प्रतियोगिता भएको बताउदै यसका लागि आवश्यक सहयोग गर्ने प्रतिवद्धता जनाए ।
प्रतियोगितामा सियारी गाउपालिकाका १३ विद्यालयहरुका ३ सय ६० बढी खेलाडीहरुले भागलिएको फुटबल प्रशिक्षक अमर पुन मगरले बताए ।
