साझा न्यूज । कपिलवस्तु
कपिलवस्तु । कपिलवस्तु जिल्ला निर्वाचन क्षेत्र नं. २ बाट आफुले उम्मेदवारको रुपमा दावेदारी प्रस्तुत गरेको नेपाली कांग्रेसका नेता सुधाकर पाण्डेयले बताएका छन् । पार्टी संगठनले टिकट दिए यस पटक आम कार्यकर्ता र मतदाताको सहयोगमा आफु संघीय सांसद पदमा निर्वाचित हुन सक्ने आधार रहेको नेता पाण्डेयले बताएका छन् ।
दोस्रो संविधान सभा निर्वाचन २०७० मा वर्तमान सांसद बृजेश कुमार गुप्तासंग २ सय ३८ मतले पराजित भएका नेता पाण्डेयको करीब १ हजार ४ सय मत बदर भएको थियो । अधिकांश मत बदर भएका कारण प्राविधिक रुपमा हार स्वीकार्नु बाध्य भएका नेता पाण्डेय आम मतदाता विच ईमान्दार निष्ठावान नेताका रुपमा परिचित छन् । यसै गरी अघिल्लो प्रदेश सभा निर्वाचन २०७४ मा नेता पाण्डेयल २ सय ५० मत भन्दा कम फरकबाट हार व्यहोरेका थिए भने नेपाली कांग्रेसबाट टिकट नपाएर विद्रोही लडेका उम्मेदवार राजु प्रसाद अर्यालले ४ हजार ५ सय बढी मत प्राप्त गरेका थिए ।
यस अघि संविधान सभा निर्वाचन २०७० र प्रदेश सभा निर्वाचन २०७४ मा आफुलाई आफ्नै पार्टीका नेता कार्यकर्ताहरुले अन्तरघात गरेका कारण आफ्नो हार भएको नेता पाण्डेयले बताए । यस पटकको निर्वाचनमा पार्टी नेता कार्यकर्ताको आफुलाई सहयोग प्राप्त हुनेमा आफु पूर्ण आशावादी रहेको उनले बताए ।
२०४० साल बाट आफु नेपाली कांग्रेसको राजनितिमा सक्रिय रहेको उनले बताए । निरंकुश पंचायती शासन विरुद्धको आन्दोलन, राजा ज्ञानेन्द्रको शाही शासनकाल विरुद्धको आन्दोलन र २०६२।०६३ को आन्दोलनमा नेपाली कांग्रेसको तर्फबाट नेता पाण्डेयको जिल्लामा नेतृत्वदायी भूमिका रहेको थियो । २०६४ सालको मधेश आन्दोलनका पश्चात् मुलुकमा खुलेका मधेशवादी दलको केन्द्रिय पदमा मनोनित गर्ने, मधेश केन्द्रित राजनितिको नेतृत्व गर्ने जिम्मेवारी मधेश केन्द्रित दलका शिर्ष नेताहरुले दिन खोज्दा नेता पाण्डेय नेपाली कांग्रेसकै विचार र सिद्धान्तमा अडिग रहदै आएका छन् । राजनितिमा मेरो लागि पद र प्रतिष्ठा भन्दा पनि सिद्धान्त र निष्ठा ठुलो कुरा हो, नेता पाण्डेयले भने, “ ।”
आगामी मंसीर ४ गते को निर्वाचनमा संघ र प्रदेशमा नेपाली कांग्रेस माओवादी र जनता समाजवादी पार्टीसंग गठवन्धन गरेर निर्वाचन लड्ने निर्णय भए संगै जिल्ला नेताहरुमा टिकट माग्ने होडवाजी चलेको छ । निर्वाचन क्षेत्र नं. १ मा गठवन्धनका तर्फबाट नेकपा माओवादीको उम्मेदवारलाई संघीय सांसद पदमा भागवण्डाबाट उम्मेदवार बनाउने संभावना बढेको छ । क्षेत्र नं. ३ मा वर्तमान सांसद अभिषेक प्रताप शाहको टिकट प्राय पक्का जस्तै छ ।
बांकी रहेको क्षेत्र नं. २ को टिकट लिएर लड्न जिल्लाका नेताहरु दीप कुमार उपाध्याय, सुरेन्द्र राज आचार्य, विरेन्द्र कुमार कनोडिया लगायतका नेताहरुले दौडधुप शुरु गरिसकेका छन् । यसै दौडमा आफुले आफु आफ्नो प्रवल दावेदारी रहेको नेता पाण्डेयले बताएका छन् ।
