आउदो मशिंर ४ गते हुने संघ र प्रदेशको निर्वाचनलाई लक्षित गरि नेपाली कांग्रेस क्षेत्र नम्बर २ नवलपुरले विनयी त्रिबेणी वडा नम्बर ६ र ७ मा कार्यकर्ता भेला सम्पन्न गरेको छ । नेपाली कांग्रेस वडा नम्बर ७ का सभापति विरेन्द्र कुमार महतको अध्यक्षतामा कार्यक्रम सम्पन्न भएको हो । सो अवसरमा नेपाली कांग्रेसका महा समितिका सदस्य एवं कांग्रेसका नेता विष्नु् कुमार कार्कीले आपसि मत मतान्तर त्यागरे नेपालीको कांग्रेसको कार्यकर्ताले मतदाता केन्द्रित समाजिक र रचनाम्तक कार्यक्रम गर्नुपर्ने बताउदै अबको निर्वाचनले लोकतन्त्रलाई अझ बलियो बनाउने धारणा राख्नुभयो ।
नेता कार्कीले विगतको प्रतिनिधि सभामा आफु पराजित भएतापनि अब हुने निर्वाचनले सहि फैसला गर्ने जिकिर गर्नुभयो । सो अवसरमा अर्का महासमिति सदस्य गणेशमान श्रेष्ठले ओझेलमा परेको बहुचर्चित त्रिबेणी दुम्किबास सडक निर्माण कार्यको प्रारम्भिक प्रकृया सुरु भइसकेको हुदा थप प्रकृया पुरा गरि नागरिकको चाहना अनुसारको कार्य पुरा गर्न आफु र पार्टी प्रयत्नशिल रहेको बताउनुभयो ।
कार्यक्रममा क्षेत्रिय सभापति जगत बहादुर कार्की, महिला नेत्री सुमित्रा खनाल, जिल्ला कार्य समिति सदस्य सुनिल थापा, राजकुमार राई, महिला संघकी राधा कार्की, शम्भु प्रसाद रौनियार लगाएतले मन्तब्य राख्नुभएको थियो । त्यसैगरि नेपाली काग्रेस विनयी त्रिबेणी ६ सभापति विर बहादुर ठकुरीको अध्यक्षतामा अर्काे भेला सम्पन्न भएको छ । सो अवसरमा उपाध्यक्ष अचल कुमार जैसी, देव बहादुर थापा, जिवन पौडेल, विशाल सिँह भण्डारी, लगाएतले आउदो निर्वाचनमा खेल्नुपर्ने भुमिका बारे चर्चा गर्नुभएको थियो ।
