- अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ नेपाल सं. ११४२ वर्षा ऋतु वि.सं. २०७९ भाद्रपद १७ गते शुक्रबार तद्अनुसार सन् २०२२ सेप्टेम्बर २ तारिख भाद्र शुक्ल पक्षको षष्ठी तिथि ११ः२७ पर सप्तमी तिथि विशाखा नक्षत्र ऐंन्द्र योग गर करण आनन्दादियोगमा मातङ्ग योग चन्द्रमा तुला राशिमा १६ः४३ बजेसम्म त्यसपछि वृश्चिक राशिमा भ्रमणशील रहनेछ । काठमाडौंमा सूर्योदय बिहान ५ः४३ बजे भयो र सूर्यास्त साँझ १८ः२२ बजे हुनेछ । सूर्य षष्ठी, गौरा सप्तमी ।
आजको राशिफल
मेष – दाम्पत्य सुख बढ्नेछ । सन्तानबाट पनि सुख मिल्नेछ । मिठो भोजन प्राप्त हुनेछ । आरोग्य वृद्धि हुनेछ । ठूलाबडाको आशीर्वादले रोकिएको काम बन्न सक्छ । आर्थिक लाभ प्राप्त होला । सहयोगीहरूले साथ दिनेछन् र काममा सोचेजस्तै सफलता मिल्नेछ । कृषिकर्म र व्यावसायिक काममा भने केही चुनौतीको सामना गर्नुपर्छ । ईर्ष्या गर्नेहरूले काममा अवरोध पुर्याउन सक्छन् । आफ्ना योजना गोप्य राखेर अघि बढ्दा फाइदा हुनेछ । ऋण रोग र शत्रुमाथि विजय प्राप्त हुनेछ ।
वृष – सुखमूलक काम बन्नेछ । बोली र व्यक्तित्वको प्रभाव बलियो बन्ला । रोकिएका काम सम्पादन हुनेछन् । आज कसैसंग सामान्य झगडा पनि हुन सक्ने योग छ । सवारी साधन हाँक्दा अपनाएको सचेतका कारण चोटपटकबाट जोगिनुहुनेछ । मातापिता, मान्यजन वा विशिष्ट व्यक्तिसँग भेटघाटको सम्भावना छ । नयाँ आयस्रोत बढ्नुसँगै उधारो लगानी लगाइएको धन उठ्नेछ । घरपरिवारको स्थिति अनुकूल रहला ।
मिथुन – प्रेमभावका साथै कार्यक्षमता बढ्नेछ । सुखको वस्तु बढ्ने र सफलता प्राप्त हुने योग छ । कतै लामो दूरीको लाभदायी यात्रा गर्नु छ भने आज राम्रो हुन्छ । सामाजिक उत्तरदायित्व वहन गर्ने समय छ । अधिकार प्राप्तिका लागि गरिएको प्रतिस्पर्धामा विजयी भइने छ । शत्रुहरूको चलखेल बढे पनि तिनले तपाईंलाई हानि पुर्याउन सक्ने छैनन् । रसरागमा रुचि बढ्नेछ । कार्यक्षेत्रसित सम्बन्धित काम बन्नेछ । दायित्व पूरा गर्नुहुनेछ ।
कर्कट – आज प्रेममा आकर्षण बढ्नेछ । ऐश्वर्य बढ्नेछ । आशा उत्साह वृद्धि होला । उद्यम र परिश्रमको राम्रो प्रतिफल प्राप्त हुनेछ । वरिष्ठ व्यक्तित्वको साथमा अति सुमधुर सम्बन्ध रहने छ । बन्दव्यापारबाट फाइदा हुनेछ । आज गहना, कपडा वा धातुको कुनै वस्तु खरिद गर्दा राम्ररी मोलतोल गर्नुहोला । विकासको नयाँ सम्भावना देखापर्नेछ । मानसम्मान ख्याति फैलिनेछ । सुख शान्ति बढ्नेछ ।
सिंह – व्यस्तता बढ्नेछ । नयाँ सम्भावना देखापर्नेछ । आरोग्य वृद्धि होला । आफन्तसित भेटघाट हुनेछ । इष्टमित्र सन्तानको सुख प्राप्त हुनेछ । चुनौती र अप्ठ्यारा हटाउन आज गरिएको प्रयास सफल हुनेछ । रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । विशेष योजना गोप्य राखेर अघि बढ्नुहोला । शारीरिक र आर्थिक कार्यमा सफलता मिल्नेछ ।
कन्या – आज रोकिएको काम बन्नुसँगै नयाँ काम पनि बन्नेछ । आयस्रोत बढ्ला । नयाँ काम र जिम्मेवारी हात पार्ने मौका छ । पढाइमा पनि राम्रै प्रगति हुनेछ । आर्थिक पक्ष सबल छ । स्वास्थ्यमा समस्या देखापर्ला । परिवारमा पाहुनाको चाप बढ्न सक्छ र तिनको आवागमनमा महत्वपूर्ण समय नाश हुने सम्भावना छ । समयको गतिलाई पछ्याउन प्रयत्न गर्नुहोला । यात्रामा सफलता हासिल हुनेछ ।
तुला – आज आरोग्यता बढ्ने र रोकिएको काम बन्नेछ । कार्यक्षेत्रमा सफलता मिल्नेछ । मनोरञ्जनपूर्ण समय छ । पारिवारिक सुख मिल्नुका साथै अध्ययन तथा अध्यापनको क्षेत्रमा प्रगतिको खबर सुन्न पाउनुहुनेछ । सानातिना काम र घरेलु समस्यामा नै आजको समय व्यतीत भएपनि त्यसबाट राम्रो लाभ हुनेछ । अप्ठ्यारो परिस्थितिमा पनि केही काम बन्नेछन् । आफन्तको सहयोग समर्थन मिल्नेछ । रोग र शत्रुसित लड्ने क्षमता बढ्नेछ ।
वृश्चिक – आज अनुकूलता बढ्ने र दाम्पत्य सुख प्राप्त हुनेछ । आर्थिक पक्ष सुदृढ होला । न्यायिक, कानुनी वा प्रतियोगितात्मक क्रियाकलापमा विजय प्राप्त हुनेछ । मनमा दोधारको अवस्था सिर्जना हुन पनि सक्छ, ध्यन राख्नुहोला । आफन्तको सहयोग बढ्ला । बौद्धिक र रचनात्मक कार्यमा सफल हुनु सँगै गीतसंगीतमा पनि आकर्षण बढ्नेछ । सन्तानसुख बढ्नेछ । आमोदप्रमोदमा रमिरहनु हुनेछ ।
धनु – शुभ समाचार प्राप्त हुनेछ । आयबल पनि बढ्नेछ । बौद्धिक र रचनात्मक काममा सफलता मिल्नेछ । टाढाको यात्रा सम्भावना छ तर अनावश्यक यात्राबाट जोगिनु राम्रो हुन्छ । मनोरञ्जनपूर्ण समय रहेको छ तर कामधन्दाको चापले गर्दा र दाम्पत्य सम्बन्ध तथा प्रेमिका वा प्रेमीसंग पनि सामान्य चिसोपन देखिन सक्छ । इष्टमित्र सन्तानको सुख प्राप्त हुनेछ । शत्रुमाथि विजय प्राप्त हुनेछ । आर्थिक हीत हुने काममा लाग्नु हीतकर रहला ।
मकर – कर्मबल बढ्नेछ, पारिवारिक सुख प्राप्त हुनेछ । आज बोलीको विपरीत अर्थ लाग्न सक्छ, मुखलाई नियन्त्रणमा राख्नुहोला । नचिताएको स्थानबाट धनागमनको संकेत छ । शरीर फूर्तिलो भएको महसुस हुनेछ । ऋण रोग र शत्रुलाई जीत्ने सामर्थ्य बढ्नेछ । रसरागमा रुचि बढ्ला । इष्टमित्रको सहयोग मिल्नेछ ।
कुम्भ – शुभता वृद्धि हुनेछ । घरपरिवारको स्थिति अनुकूल रहनेछ । शरीरमा उत्साह र उमङ्ग प्राप्त हुनेछ । स्वास्थ्य सबल रहनेछ र काममा पनि फाइदाको योग छ । पराक्रम र उत्साह बढ्नेछ । उद्योग र व्यापारमा विशेष फाइदाको योग छ । प्रतिस्पर्धी परास्त हुनेछन् । सभासमारोहमा पुरस्कार पाउनुहुनेछ । आर्थिक पक्ष बलियो बन्ने छ
मीन – दौडधुप बढे पनि बौद्धिक र रचनात्मक कार्य बन्नेछ । मनअनुकूलको काम बन्नेछ । रोगबाट छुट्कारा पाउनुहुनेछ । उत्साह बढ्नेछ । इष्टमित्र सन्तानको सुख प्राप्त हुनेछ । समयले साथ दिनेछ । कृषि क्षेत्रबाट राम्रो लाभ मिल्ने योग छ । पढाइलेखाइमा प्रगति हुनेछ । बौद्धिक प्रतिस्पर्धामा विजयी भइनेछ । चुनौतीका बाबजुद नसोचेको काम बन्न सक्छ । धैर्यले काम लिने समय छ । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ने सम्भावना छ । मन प्रशन्न रहला ।
