- अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ शरद ऋतु नलनामक संवत्सर नेपाल सं. ११४२ वि.सं. २०७९ आश्विन २१ गते शुक्रबार तद्अनुसार सन् २०२२ अक्टुबर ७ तारिख आश्विन शुक्ल पक्षको द्वादशी तिथि ६ः५० पर त्रयोदशी तिथि शतभिषा नक्षत्र गण्ड योग कौलव करण आनन्दादिमा सौम्य योग चन्द्रमा कुम्भ राशिमा भ्रमणशील रहला । काठमाडौंमा सूर्योदय बिहान ६ः०० बजे र सूर्यास्त साँझ १७ः४२ मा हुनेछ । प्रदोष व्रत ।
आजको राशिफल
मेष – आजको दिन नसोचेको काम बन्न सक्छ । सन्तान वा अनुयायीले प्रसन्नता दिलाउनेछन् । परिवारजन तथा बन्धु–बान्धवबीच आत्मीय भाव बढ्नेछ । आयस्रोत बढ्नेछ । कर्ममा रुचि बढ्नेछ । यात्रामा सफलता प्राप्त हुनेछ । रसरागमा आकर्षण बढ्ला । धैर्यले काम लिने समय छ । छरछिमेकमा भने केही असमझदारी बढ्ने योग छ । तापनि, प्रतिस्पर्धाबाट फाइदा उठाउन सकिनेछ । मित्रजनको साथ प्राप्त हुनेछ । शत्रुमाथि विजय प्राप्त हुनेछ ।
वृष – कार्यगति बढ्नेछ । बौद्धिक र रचनात्मक काममा सफलता मिल्नेछ । स्थानान्तरण र टाढाको यात्राको सम्भावना छ । समय उत्साहवर्द्धक रहला । नयाँ ज्ञान प्राप्त हुने योग छ । पितृधनसमेत लाभ हुने देखिन्छ । दिन मनोरञ्जनपूर्ण रहनेछ । व्यापार–व्यवसायमा विशेष लाभ लिने समय छ । आशा उत्साह थपिनेछ । इष्टमित्रको साथ प्राप्त हुनेछ । सन्तानसुख मिल्नेछ । रसरागमा आकर्षित हुनु हुनेछ । मान प्राप्ति होला ।
मिथुन – कार्यक्षमता वृद्धि हुनेछ । श्रमको उचित मूल्याङ्कन हुने दिन छ । प्रेममा आकर्षण बढ्नेछ । सामाजिक कामको दायित्व बढ्नेछ । अरूका जिम्मेवारीसमेत वहन गर्नुपर्ला । प्रतिष्ठित काम र पदको आशा देखाउनेहरूले धोका दिन सक्छन्, सावधान रहनुहोला । प्रयत्न गर्दा गोप्य रहस्य पत्ता लगाउन सकिनेछ । इष्टमित्र एवम् सन्तानको सुख प्राप्त हुनेछ । आरोग्यता वृद्धि हुनेछ । प्रयासरत काम बन्नेछ ।
कर्कट – आज दौडधुप बढ्नेछ भने सहयोगीले तपाईंको कमजोरीप्रति टिप्पणी वा गुनासो गर्न सक्छन्, सचेत रहनुहोस् । अलिक द्विविधामा परिने र निर्णायक क्षमतामा कमी आउने योग छ, काममा केही प्रतिस्पर्धा गर्नुपर्ने देखिन्छ । शत्रुहरूको चलखेल बढ्नाले केही अप्ठ्यारोमा परिएला । तथापि, मिठो भोजन प्राप्त हुनेछ । ऋण, रोग र शत्रुमाथि विजय प्राप्त हुनेछ । यात्रामा सफलता प्राप्त हुनेछ ।
सिंह – प्रेमभाव बढ्ने तथा ऋण, रोग र शत्रुमाथि विजय प्राप्त हुने दिन छ । आरोग्यता पनि बढ्नेछ । व्यापारमा फाइदा हुने योग छ । गरेका कामबाट प्रशस्त लाभ हुने देखिन्छ । भूमि तथा मातृधनबाट लाभ मिल्नेछ । विगतका कमजोरीलाई सुधार गर्न मौका छ । प्रयत्न गर्दा महत्वाकांक्षी योजना फलीभूत होलान् । यात्रामा सफलता प्राप्त हुनेछ ।
कन्या – व्यस्तता बढ्ने र ऋण, रोग तथा शत्रुमाथि विजय प्राप्त हुनेछ । रोकिएका कामसमेत सम्पादन हुनेछन् । नयाँ जिम्मेवारी हात पार्ने मौका छ । धार्मिक तथा परोपकारजन्य क्रियाकलापबाट प्रतिष्ठा पाइनेछ । साझेदारीको काम बन्नेछ । मिठो भोजन प्राप्त हुनेछ । रसरागमा आकर्षण बढ्ने र सुख वृद्धि हुने योग छ । आर्थिक कार्यमा सफलता मिल्नेछ ।
तुला – आजको दिन कमजोर स्वास्थ्यका बाबजुद जिम्मेवारी बढ्न सक्छ । सहयोगको आशा देखाउनेहरूबाटै धोका पाइएला । तथापि आम्दानी बढ्ने र फाइदा उठाउने समय छ। वैदेशिक यात्राको अवसर आउला । लेनदेनमा विवाद आउने योग छ । मान सम्मानमा भने निरन्तर वृद्धि भैरहनेछ । मिठो भोजन खान पाउनुहुनेछ । बोली र व्यक्तित्वको प्रभाव बलियो बन्नेछ ।
वृश्चिक – धन वृद्धि हुने र सौभाग्य बढ्ने समय भए पनि केही मात्रामा खर्च बढ्नेछ । आलस्य जाग्नेछ । काममा मातापिताको सहयोग प्राप्त होला । अरूको भर पर्दा धोकामा परिने समय छ, सचेत रहनुहोला । प्रयास गर्दा रोकिएका काम बन्नेछन् । आरोग्यता बढ्ला । कल्याणकारी कार्यमा आकर्षण बढ्नेछ ।
धनु – सकरात्मकता बढ्ने समय छ । भूमि, वाहन र पैत्रिक सम्पत्तिबाट लाभ मिल्नेछ । परिवारजनको भरणपोषणमा खर्च बढ्नेछ । उत्साहमा कमी आउला । मातापिता र आफन्तको सहयोगले काम बन्नेछन् र विशेष लाभ उठाउन सकिनेछ । दाम्पत्य जीवन सुखद तथा समृद्ध बन्ने देखिन्छ । साझेदारीको काम बन्नेछ । रोकिएको काम बन्नुको साथै लगानी उठाउन चाहेमा सफल रहनुहुनेछ ।
मकर – आज अरूका काममा महत्वपूर्ण समय बित्न सक्छ । समयमा काम पूरा नहुनाले खिन्नता बढ्ला। सेवामूलक कामबाट प्रतिष्ठा मिल्ने समय छ । उद्योग तथा व्यापारमा सामान्य फाइदा मिल्नेछ । धन वृद्धि हुनेछ । रसराग प्रेममा सफलता मिल्नेछ । आफन्तको साथ मिल्नेछ ।
कुम्भ – आजको दिन स्वास्थ्यमा कमजोरी महसूस हुनाले सानो काममा पनि धेरै परिश्रम परेको अनुभूति होला । तापनि काममा सफलता मिल्नेछ । अप्रिय समाचारले खिन्नता बढ्न सक्छ । पढाइलेखाइमा पनि ध्यान दिन नसकिएला । व्यापार व्यवसायमा समेत त्यत्ति फाइदा नहोला । देखापरेको समस्याको समाधान भने मिल्नेछ । मान प्रसंशा बढ्नेछ । वार्तामा सफलता मिल्नेछ । व्यस्त रहनुहुनेछ ।
मीन – आज शुभता वृद्धि भइ सुख शान्ति बढ्नेछ । मनोकूलको काम बनेर मन प्रशन्न रहला । विभिन्न अवसर पाइने समय छ । सोचेको काम समयमा सम्पादन गर्न नसकिने र अवसर फुत्कने सम्भावना पनि देखिन्छ । काममा केही चुनौती देखिए पनि समयको सदुपयोग हुनेछ । धेरैले सहयोगको तत्परता देखाउनेछन्् । नसोचेको फाइदा उठाउन सकिनेछ । शुभ काममा भाग लिनुहुनेछ । रसरागमा रुचि बढ्नेछ ।
