कपिलबस्तु कार्तिक ३० । आसन्न मंसिर ४ गते हुने प्रतिनिधि तथा प्रदेश सभा सदस्य पदका लागी हुने निर्वाचनमा खटिने कपिलबस्तुका पर्यवेक्षकलाई अभिमुुखीकरण गरिएको छ । निर्वाचनको दिन मतदान कार्य भइरहेका बेला त्यस बेलाको अवस्था पर्यवेक्षण गर्दा अपनाउनुपर्ने पक्षबारे पर्यवेक्षकलाई अभिमुखीकरण गरिएको हो ।
राष्ट्रिय निर्वाचन पर्यवेक्षण समिति नियोक कपिलवस्तु द्वारा जिल्लाका दश वटै पालिकामा मतदानको दिन खटिने पर्यवेक्षकका लागि अनुुशिक्षण प्रदान गरिएको हो । नियोक कपिलवस्तुका संयोजक पशुपति मणि त्रिपाठीले मतदान, पूर्व, मतदानका दिन र मतदानपछि हुुने हरेक गतिविधिको पर्यवेक्षणमा खटिने पर्यवेक्षकले गर्न हुने र नहुने कार्यबारे जानकारी गराउनु भएको थियो ।
कार्यक्रममा मतदान कार्यमा समावेशी र अपांगतामैत्रीको अवस्थाबारे पनि जानकारी गरिएको थियो । त्यसैगरी कार्यक्रममा मतदान स्थलमा महिलाका लागि छुुट्टै लाइन खटिएका महिला प्रहरी, अपांगत मतदाताका लागि सहज मतदानको अवस्थाबारे पर्यवेक्षण गर्नुपर्ने जानकारी गरिएको थियो ।
कार्यक्रमका प्रमुख अतिथि गैरसरकारी संस्था महासंघ कपिलवस्तुका अध्यक्ष प्रविण कुमार श्रीवास्तवले निर्वाचनमा पर्यवेक्षकले निर्र्वाचन स्वच्छ,निष्पक्ष र भयरहित वातावरण बनाउनुमा महत्वपुर्ण भुमिका रहने बताउनु भयो । त्यसैगरी, पर्यवेक्षकले तीन किसिमको रिपोर्टिङ गर्नुपर्ने जसमा भाइबर, एसएमएस र फारम भरेर रिर्पाेटिङ गर्नु पर्नेछ । नियोकले दश वटा पालिकाका लागि १७ जना पर्यवेक्षक खटाएको छ ।
