फिदिम, बैशाख १३ गते । पाँचथरको याङवरक ६ टाहारीकी ४३ वर्षीय इन्द्रकुमारी बेघाको शव बंगुरको खोरमा भेटिएको छ ।
बेघालाई स्थानीयले मंगलबार आफ्नै घर छेउमा रहेको बंगुरको खोरमा मरेको अवस्थामा फेला पारेको जिल्ला प्रहरी कार्यालय पाँचथरले जनाएको छ ।
बेघालाई मंगलबार अपरान्ह बंगुरको खोरमा घोप्टो परेर मरेको अवस्थामा भेटेपछि स्थानीयले प्रहरीलाई खबर गरेका थिए ।
लगत्तै प्रहरी चौकी गणेशचोकबाट खटेको प्रहरी टोलीले घटनास्थलको विवरण संकलन गरेसँगै शव पोष्टर्माटमका लागि पाँचथर अस्पताल ल्याइएको छ ।
बेघा स्थानीय शुक्रबीर बेघाकी श्रीमती रहेको बताइएको छ ।
