कपिलवस्तु नगरपालिकाबासीलाई अब निःशुल्क रगत उपलब्ध हुने

कपिलवस्तु १४ बैशाख
कपिलवस्तु नगरपालिकाबासीले अब देखि रुपन्देहीबाट समेत निःशुल्क रुपमा रगत पाउने भएका छन । यस अघि तौलिहवा स्थित रेडक्रस कपिलवस्तु शाखाको रक्त संचार बाट कपिलवस्तु अस्पतालमा आएका बिरामीलाई निःशुल्क रगत उपलब्ध गराउदै आएको छ । अब देखि रुपन्देहीको सरकारी अस्पताल बाहेकका अन्य अस्पतालमा उपचारत कपिलवस्तु नगरपालिबासी बिरामीले समेत निःशुल्क रगत पाउने भएका हुन ।
रक्तसंचार केन्द्र बुटवल र भैरहवाले रगत उपलब्ध गराउने छ । कपिलवस्तु नगरपालिका र नेपाल रेडक्रस सोसाईटी रुपन्देही शाखा बिच बिहीवार सो बिषयमा संझौता भएको छ । संझौता पत्रमा कपिलवस्तु नगरपालिकाका मेयर सुदीप पौडेल र रेडक्रस रुपन्देही शााखाका सभापति दिपक क्षेत्री न्यौपाने बिच लिखित संझौता भएको हो । ११ बुदे संझौता भने आउने असार देखि लागु हुनेछ ।
प्रति प्वाईन्टको लाग्ने ९ सय ५० रुपैया शुल्क भने नगरपालिकाले रेडक्रस रुपन्देहीलाई बुझाउने छ । बिरामीहरुलाई आवश्यक रगत भने रुपन्देहीका रक्तसंचार केन्द्रले उपलब्ध गराउने छ । नगरपालिकामा बसोबास गरेको नागरिकता मतदान परिचय पत्र लगायतका परिचय पत्र खुल्ने निस्सा रक्तसंचार केन्द्रलाई उपलब्ध गराउनु पर्नेछ । नभए बिरामीकालागि तोकिए बमोजिमको शुल्क तिरेर रगत लैजान सक्ने र पछि निस्सा बुझाए भने सो रकम फिर्ता समेत पाउने गरी संझौता भएको छ ।
कपिलवस्तु नगरपालिकाका मेयर सुदीप पौडलले रगत कै कारण बिरामीहरुको उपचारमा समस्या नआवोस भनेर यो संझौता गरिएको बताए । उनले नगरपालिकाले नगरबासीको स्वास्थ्यलाई ध्यान दिई यो कदम चालिएको बताए । अब नगरपालिका बिभिन्न वडाहरुमा समेत रक्तदानको कार्यक्रम संचालन गरिने उनले बताए ।