तौलिहवा, बैशाख १६ गते । जिल्ला प्रशासन कार्यालय कपिलबस्तुले शुक्रबार देखि अनुचित लेनदेन ( मिटर ब्याज) बाट पीडितहरुको निबेदन संकलनका लागि पिडित सहयता कक्ष सञ्चालनमा ल्याएको छ । मिटर व्याजबाट पिडितहरुले बैशाख १७ देखि ३१ गते सम्म आफ्नो भए सम्मको सबुद प्रमाण सहित भएको व्यहोरा खुलाई प्रशासन कार्यालयमा संचालनमा रहेको सहयता कक्षमा आई निबेदन दिनु हुन प्रजिअ शंकरहरि आचार्यले बताउनुभयो ।
मिटर व्याजबाट पिडित व्यक्तिहरुको लागि आवश्यक निबेदन कार्यालयमा निःशुल्क पाइने र निबेदनको फारम कार्यालय कै कर्मचारीहरुले भरिदिने प्रजिअ आचार्यले बताउनुभयो । उहाँले भन्नुभयो “यस अघि प्रशासन कार्यालय कपिलबस्तुमा दर्ता हुन आएका मिटर व्याज सम्बन्धि उजुरीहरुका निबेदनहरु सोही मितिमा उपस्थित भई अनलाईनमा निबेदन दर्ता गर्न उजुरी कर्ताहरुलाई अनुरोध गर्नुभएको छ ।”
जिल्ला प्रशासन कार्यालयमा २० जनाले मिटर व्याजबाट पिडितहरुले उजुरी दर्ता गराएका छन् । जस मध्ये तिन वटा जिल्ला अदालतमा गइ सकेको र २ वटाको मेलमिलाप भइसकेको प्रजिअ आचार्यले बताउनुभयो । साथै प्रशासन कार्यालय कपिलबस्तुले विद्युतीय राहदानीको अनलाईन फाराम कार्यालयबाट नै भर्दै आएको छ ।
