काठमाडौँ । नेपाल स्वास्थ्यकर्मी युनियनको नयाँ कार्यसमिति गठन भएको छ ।
युनियनको वैशाख २२ र २३ मा भएको चौँथो राष्ट्रिय महाधिवेशनले उज्ज्वलकुमार शर्माको अध्यक्षतामा ९५ सदस्यीय समिति चयन गरेको हो । जसमा ६४ जना भने कार्यसमितिमा रहने युनियनले जनाएको छ ।
महाधिवेशनले वरिष्ठ उपाध्यक्षमा डिल्ली शेर केसी, जर्वनकुमार यादव र रञ्जिता सिंहलाई चयन गरेको छ ।
यस्तै, उपाध्यक्ष खुलामा सन्तमान मानन्धर, महिलामा रन्जनाकुमारी साह, मधेसीमा विजयकुमार सिंह चयन भएका छन् ।
केन्द्रीय उपाध्यक्ष कोसी प्रदेशतर्फ मो। फिरोज अलि राइन, मधेस प्रदेशतर्फ रामबाबु ठाकुर चयन भएका हुन् ।
त्यस्तै, वाग्मतीमा दिलकुमार दुवाल, गण्डकीमा सीताराम कार्की, लुम्बिनीमा नारायणप्रसाद अर्याल, सुदूरपश्चिममा उत्तमप्रसाद उपाध्याय चयन भएका छन् ।
महासचिवमा अरुणकुमार गिरी, सचिवमा दिलीप कोइराला, श्यामसुन्दर पोखरेल, सचिव महिलामा संगीता राई, कानुन सचिव अनिलराज ढुङ्गेल, काुनन सचिव मधेसी सङ्गठनमा मनोजकुमार यादव चयन भएका छन् । कोषाध्यक्षमा लता महत चयन भएका छन् ।
सहसचिव खुलामा हिराबहादुर कार्की, विजय कुमार देव र विश्वराज दाहाल, महिलामा लक्ष्मी कोइराला, मधेसीमा राधेश्याम कलवार, सहकोषाध्यक्ष मधेसीमा मनोजकुमार मण्डल, महिलामा लक्ष्मी आचार्य चयन भएका छन् ।
