कपिलबस्तु, भदौ २५ गते । युवा आन्दोलनले कपिलवस्तुका जनप्रतिनिधिहरूले धमाधम पदबाट राजीनामा दिएका छन् । पूर्वमन्त्री तथा क्षेत्र नम्बर २ का प्रतिनिधिसभा सदस्य सुरेन्द्रराज आचार्यले राजीनामाको घोषणा गरेका छन् । उनले आफ्नो फेसबुक वालमा ‘वर्तमान बदलिँदो परिस्थिति र युवा को आन्दोलनलाई समर्थन गर्दै’ राजीनामाको घोषणा गरेका हुन् ।
यस्तै लुम्बिनी प्रदेश सदस्य नवराज लामिछाने, मधुसुदन शरण चौधरी, बुद्धभूमि नगरपालिकाका नगर प्रमुख केशवकुमार श्रेष्ठ, महाराजगंज नगरपालिका नगर प्रमुख अब्दुल कलाम र उप प्रमुख मीरा कुमारी थारु, महाराजगंज नगरपालिकाकी उप प्रमुख रीता कुमारी चौधरी र याशोधरा गाँउपालिकाकी उपाध्यक्ष गुञ्जादेवी मौर्याले समेत राजीनामा दिएकी हुन ।
यस्तै बुद्धभूमि नगरपालिकाको वडा नम्बर २ का अध्यक्ष सुरजप्रताप राणा, वडा नम्बर ३ का अध्यक्ष गोविन्द प्रसाद आचार्य, वडा नम्बर ४ का अध्यक्ष सुशील चौधरी, वडा नम्बर ५ का अध्यक्ष रोमबहादुर थापा, वडा नम्बर ९ का अध्यक्ष प्रमोद चौधरी, वडा नम्बर १० का अध्यक्ष सन्दीपकुमार पाण्डे त्यस्तै कपिलबस्तु नगरपालिकाका वडा नं. २ का वडाध्यक्ष अशोक कुमार गुप्ता, वडा नं. ३ का वडाध्यक्ष प्रकाश गैरे, वडा नं. ६ का वडाध्यक्ष रामजित कुर्मीले समेत राजीनामा दिएका छन् ।
यस्तै महाराज नगरपालिका वडा नं.१ का वडाध्यक्ष प्रमोद कुमार चौधरी लगायतले फेसबुक सामाजिक सञ्जाल मार्फत राजीनामा दिएका हुन् ।
कपिलबस्तुमा धमाधम पदबाट राजीनामा दिइदै जनप्रतिनिधि
