काठमाडौँ । गोरखामा बिहीबार पनि कर्फ्यु जारी गरिएको छ ।
बिहान ११ बजेदेखि साँझ ६ बजेसम्म कर्फ्यु रहने जिल्ला प्रशासन कार्यालयले विज्ञप्ति मार्फत जानकारी गराएको छ।
सो अवधिभर पाँच जनाभन्दा बढी संख्यामा भेला भएर बस्न नपाइने बताइएको छ । सभा, सम्मेलन र जुलुस निषेध गरिएको छ ।
शान्ति सुरक्षामा खलल पुग्ने कुनै पनि किसिमका काम नगर्न भनिएको छ । यस्ता गतिविधि गरेमा कानून अनुसार कारवाही गरिने प्रशासनले चेतावनी दिएको छ ।
एम्वुलेन्स, शव बहान, दमकल, सुरक्षाकर्मी, स्वास्थ्यकर्मी र सञ्चारकर्मीका सवारी भने चल्न पाइने बताइएको छ ।
त्यस्तै तरकारी, खाद्यान्न, दूध, पानी र औषधी ओसारपसार गर्ने सवारी सधान पनि सञ्चालन गर्न पाइने प्रशासन कार्यालयले जनाएको छ ।
