साझा न्युज, कपिलवस्तु
कपिलवस्तु । इलाका प्रहरी कार्यालय पिपराको नेतृत्व पहिलोपटक महिला प्रहरी निरीक्षकले सम्हाल्ने भएकी छन्। गुल्मीमा जन्मिएकी प्रहरी निरीक्षक कालिका कार्की पिपरा प्रहरी कार्यालयको प्रमुखको जिम्मेवारीमा आउन लागेकी हुन्।
पिपरा क्षेत्रमा पछिल्लो समय लागूऔषधको बढ्दो कारोबार तथा प्रयोग, बढ्दो अपराध र सवारी दुर्घटना प्रहरीका प्रमुख चुनौतीका रूपमा देखिएका छन्।
विशेषगरी लागूऔषध नियन्त्रण, अपराध न्यूनीकरण, सडक सुरक्षा तथा नागरिकमा सुरक्षाको अनुभूति बढाउनु कार्कीका लागि महत्वपूर्ण चुनौती हुने देखिएको छ।
नयाँ नेतृत्वसँगै पिपरा क्षेत्रमा शान्ति–सुरक्षा थप प्रभावकारी बनाउने, अपराध नियन्त्रणलाई प्राथमिकता दिने र नागरिकसँग प्रहरीको सम्बन्ध मजबुत बनाउने अपेक्षा गरिएको छ।
पिपरा प्रहरी कार्यालयको नेतृत्वमा महिला प्रहरी निरीक्षक आउन लागेको यो पहिलोपटक हो।
पिपरा प्रहरी कार्यालयको नेतृत्व पहिलोपटक महिला प्रहरी निरीक्षकले सम्हाल्ने
