ललितपुर । प्रधानन्यायाधीश चोलेन्द्रशमशेर जबराले कुनै पनि फैसलालाई लिएर न्यायपालिकामाथि दोष दिन नहुने बताएका छन् ।नेपाल कानुन व्यवसायी परिषदले बुधबार ललितपुरमा गरेको कार्यक्रममा उनले अदालतले जहिले पनि समाजलाई हेरेर फैसला गर्ने भन्दै त्यसमा दोष लगाउने काम गर्न नहुने बताएका हुन् ।
प्रधानन्यायाधीश जबराले आफूले कहिल्यै पनि दबाब र प्रभावमा परेर फैसला नगरेको पनि बताए ।
‘न्यायपालिकाले गर्ने सबै फैसलाहरु समाज र नागरिकसँग अभिप्रेरित हुन्छ । र समाजलाई हेरेर नै जहिले पनि न्यायपालिकाले फैसला गरिरहेको हुन्छ ।
न्यायपालिकालाई निरन्तर अघि बढिरहन दिनुपर्दछ । अथवा न्यायपालिकालाई दोष पनि दिनु हुन्न । र महत्व पनि दिनुहुन्न’ उनले भने ।
कार्यक्रममा बोल्दै कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले संविधानको रक्षाका निम्ति सर्वोच्च अदालतले पछिल्लो समयमा खेलेको भूमिका विश्वकै लागि उदाहरणीय भएको बताएका थिए ।
