काठमाडौं । नेकपा एकीकृत समाजवादी संसदीय दलको नेतामा माधवकुमार नेपाल चयन भएका छन् । आज बानेश्वरस्थित अन्तर्राष्ट्रिय सम्मेलन केन्द्रको ल्होत्से हलमा बसेको बैठकले अध्यक्ष नेपाललाई सर्वसम्मत चयन गरेको हो ।
सांसद मेटमणि चौधरीका अनुसार गठबन्धन सरकारमा सहभागी हुने तयारीमा रहेको छ । एकीकृत समाजवादीमा प्रतिनिधिसभाका ३० सांसद छन् । यस्तै राष्ट्रियसभा संसदीय दल नेतामा स्थायी कमिटी सदस्य बेदुराम भुसाल चयन भएका छन् ।
अन्य पदाधिकारीहरु भने पछि चयन हुने जानकारी दिए । यस्तै संसदीय दलको बैठकले विधान मस्यौदा समिति बनाएको छ । भवानी खापुङ, शेरबहादुर कुँवर, निरादेवी जैरु, ठगेन्द्रप्रकाश पुरी र लक्ष्मी चौधरी समिति छन् ।
