पछिल्लो २४ घण्टाको तथ्यांकअनुसार नेपालमा कोरोना भाइरसको संक्रमणमा कमी आएको छ । आइतबार जम्मा ७३४ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर १२ जनाको संक्रमणका कारण मृत्यु भएको छ। यससँगै हालसम्म मृत्यु हुनेको संख्या ११,०४० पुगेको छ ।
मन्त्रालयका अनुसार आइतबार १,४१३ कोरोना संक्रमणमुक्त भएका छन् भने हाल देशभर २४,३१३ सक्रिय संक्रमित रहेका छन् ।
बितेको चौबीस घन्टामा ७,३०४ पीसीआर तथा २,७०९ एन्टिजेन परीक्षण भएको मन्त्रालयले जनाएको छ ।
नेपालमा कूल ७ लाख भन्दा बढी कोरोनाभाइरस संक्रमित छन् भने हालसम्म आईसीयूमा ३९० जना, भेन्टिलेटरमा ११७ जना, होम आइसोलेशनमा २२,८६४ जना, संस्थागत आइसोलेशनमा १,४४९ र क्वारेन्टाइनमा २४८ जना रहेको मन्त्रालयको तथ्यांकमा उल्लेख छ ।
