काठमाडौं । शुक्रबार देशभर ७६४ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा १० हजार ६८८ नमुना परीक्षण गर्दा ७६४ जनामा कोरोना पुष्टि भएको हो ।
मन्त्रालयका अनुसार पीसीआरबाट ७१५ र एन्टिजेनबाट ४९ जनामा संक्रमण पुष्टि छ । उक्त अवधिमा ९ हजार ४६६ जनाको पीसीआर र १ हजार २२२ जनाको एन्टिजेन परीक्षण गरिएको थियो ।
त्यस्तै गएको २४ घण्टामा १० जनाकोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार २१० पुगेको छ ।
त्यसैगरी सोही अवधिमा एक हजार ३३ जना संक्रमणमुक्त भएका छन् । योसँगै कोरोना संक्रमणबाट मुक्त हुनेको संख्या ७ लाख ७४ हजार १७३ पुगेको स्वास्थ्य मन्त्रालयले जनाएको छ ।
हाल देशभर १५ हजार ६१४ जना सक्रिय संक्रमित रहेको स्वास्थ्य मन्त्रालयले जनाएको छ ।
