काठमाडौँ । सर्वोच्च अदालत परिसरबाट सशस्त्र प्रहरी हटाइएको छ । वकिलहरुको विरोधपछि अदालतबाट सशस्त्र प्रहरी हटाइएको हो ।
हिजो (बिहीबार) अदालत परिसरमा वकिलहरुको प्रदर्शनमा प्रहरीले हस्तक्षेप गरेपछि अदालत परिसरमा सशस्त्र बोलाइएको थियो ।
बारले प्रधानन्यायाधीश चोलेन्द्र शमशेर जबरलाई अदालत प्रवेशमा रोक लगाउने भन्दै मूल गेट अगाडी धर्ना दिने भएपछि शुक्रबार बिहानैदेखि सशस्त्रको उपस्थिति बढाइएको थियो ।
नेपाल बार एसोसिएसनको प्रदर्शनमा व्यापक प्रहरी परिचालन गरेपछि वरिष्ठ अधिवक्ता बद्रीबहादुर कार्कीले गृहमन्त्री बालकृष्ण खाँणलाई प्रहरी हटाउन आग्रह गरेका थिए । उनले धर्ना स्थलबाट गृहमन्त्री खाँणलाई टेलिफोन गर्दै यस्तो के गरेको हो ? भन्दै प्रश्न गरेका थिए ।
