साझा न्यूज । कपिलवस्तु
नेपाली कांग्रेसको जिल्ला सभापति पदका लागि कांग्रेस नेताहरु राजेश आचार्य र अब्दुल कलाम विच आज निर्वाचन हुदै छ । नेपाली कांग्रेस जिल्ला सभापति पदका उम्मेदवार राजेश आचार्य बलियो उम्मेदवारको रुपमा प्रस्तुत भएका छन् । उम्मेदवार आचार्यलाई जिल्लाका कांग्रेस शीर्ष नेताहरुको साथ र समर्थन रहेका कारण उनी बलियो उम्मेदवार बनेका हुन् ।
सभापति पदका ३ उम्मेदवारहरु अब्दुल कलाम, राजेश आचार्य र सुधाकर पाण्डेय चुनावी मैदानमा उत्रिए पनि मनोनयन पत्र दर्ताका समयमा नेता सुधाकर पाण्डेयले राजेश आचार्यलाई समर्थन गरेर अघि बढे पछि उम्मेदवार आचार्यको समुहमा थप उर्जा प्राप्त भएको छ ।
जिल्लाका शीर्ष नेताहरु दीप कुमार उपाध्याय, सुधाकर पाण्डेय, अभिषेक प्रताप शाह, दिर्घनारायण पाण्डेय, विरेन्द्र कुमार कनौडिया लगायतका नेताहरुको साथ र सहयोग राजेश आचार्यलाई छ । त्यसै गरी निर्वाचन क्षेत्र नं. १ का सभापति अब्दुल मन्नान खां, निर्वाचन क्षेत्र नं. ३ का सभापति ब्रम्हानन्द उपाध्याय लगायतको साथ राजेश आचार्यलाई छ ।
समायोजनबाट नेपाली कांग्रेस प्रवेश गरेका नेता राजेश सिंहको समुहले भने शुरुका अवस्थामा अब्दुल कलामलाई सहयोग गर्ने भने पनि पछिल्लो समय भने उनीहरुको आधिकारिक निर्णय भई सकेको छैन । नेता अतहर कमाल भने आफु स्वास्थ्यका कारणले खासै सक्रिय हुन नपाएको र आफुले कुनै समूहमा पनि प्रचार प्रसार तथा लबिंङ्ग नगरेको बताए ।
नेता आचार्य देउवा समूहका र कलाम पौडेल समूहको निकट मानिन्छन् । नेता कलामलाई भने पार्टी सभापति सुरेन्द्र राज आचार्य, कमलेश कुमार शर्मा र क्षेत्र नं. ३ का क्षेत्रीय सभापति केशव श्रेष्ठको साथ र समर्थन रहेको छ ।
वर्तमान पार्टी सभापति सुरेन्द्र राज आचार्यले आफुहरुलाई धोका दिएका कारण सुधाकर पाण्डेय नेतृत्वको समूहले यस पटक राजेश आचार्यलाई सहयोग गर्ने निर्णय गरेको क्षेत्र नं. २ ख का सभापति गिरिजेश कुमार पाण्डेयले बताए । यस अघिका २ वटा निर्वाचनमा सुरेन्द्र राज आचार्यलाई पार्टी सभापति बनाउन सहयोग गरे पनि नेता सुधाकर पाण्डेयलाई वर्तमान पार्टी सभापति आचार्यले यस पटक ठुलो घात गरेको नेता पाण्डेयले आरोप लगाए ।
सवैको साथ र सहयोगबाट यस पटकको निर्वाचन आफुले जित्ने नेता �