काठमाडौं । गायिका समीक्षा अधिकारीले नेपाली चलचित्रका नायक पल शाहविरुद्ध तनहुँ जिल्ला प्रहरी कार्यालयमा जाहेरी दर्ता दिएकी छिन् । उनले जबरजस्ती करणी मुद्दामा उजुरी दर्ता गराएको प्रहरी उच्च स्रोतले जानकारी दिएको छ ।
प्रहरीका अनुसार दिदी र भिनाजुसहित बुधबार जिल्ला प्रहरी कार्यालयमा पुगेर उनले निवेदन दिएकी हुन् । उनीहरूको सम्बन्धका बारेमा लामो समयदेखि विभिन्न चर्चाहरु भइरहेको थियो । पछिल्लो समय सञ्चारमाध्यममा समीक्षा अधिकारी र पल शाहबीचको विवादका समाचार बाक्लै आइरहेका छन् ।
