काठमाडौं । आगामी वर्षका लागि सरकारले नौ दिन चाडपर्व बिदा बढाएको छ । गृह मन्त्रालयको प्रस्तावअनुसार सोमबार बसेको मन्त्रिपरिषद् बैठकले ०७९ मा दसैं-तिहारको बिदा समेत लम्ब्याएर नौ दिन बढाएको हो ।
आगामी वर्ष दसैंको विजयादशमीको पर्सिपल्ट (द्वादशी) सम्म बिदा दिने निणर्य भएको छ । यसअघि टीकाको भोलिपल्ट (एकादशी) सम्म मात्र बिदा हुन्थ्यो । त्यस्तै, तिहारमा भाइटीकाको भोलिपल्ट पनि बिदा हुने भएको छ । नेवार समुदायले त्यस दिन भाइटीकाकै रूपमा किजा पूजा गर्छन् ।
आगामी वर्ष क्रिसमस, धान्नेपूर्णे (वैशाख पूर्णिमा), मोहम्मद जयन्तीमा पनि बिदा दिने निणर्य भएको छ । तमु तथा सोनाम ल्होसार र मुस्लिम समुदायको दुईवटा चाडमा पनि बिदा दिने निणर्य भएको छ । यो वर्ष पनि मन्त्रिपरिषद्का निणर्यका आधारमा यी चाडपर्वमा बिदा दिइएकोमा आगामी वर्ष भने बिदासम्बन्धी सूचनामै यसलाई समेट्ने निर्णय भएको छ । नयाँ पत्रिका दैनिकबाट
