कपिलवस्तु-कपिलवस्तुको शिवराज नगरपालिका ५ चन्द्रौटामा रहेको ईन्टरनेट कम्पनी वल्डलिकंको शाखा प्रमुख अरफात देवानले भेटाएको उनसाठ्ठि हजार रकम फिर्ता गरेका छन ।
शाखा प्रमुख देवान आफ्नो घर बिरगंजबाट कपिलवस्तु फर्किने क्रममा हेटौंडा- नारायणघाटको सडक खण्डको बाटोमा झोला सहित रकम भेटाएका थिए ।
उक्त झोला खोलेर हेर्दा नगद ५९ हजार ३ सय ८० रुपैया र दुई थान नागरिकता प्रमाणपत्र फेला परेको थियोे ।
देवानले उक्त झोला र रकम भेटाएको सुचना वडा प्रहरी कार्यालय चन्द्रौटालाई जानकारी गराएका थिए ।
प्रहरीले छनविन गरी उक्त झोला मकवानपुरको मनहरी गाउँपालिका वडा न-३ मा बस्ने रमेश रुम्बाको झोला पर्स रहेको वडा प्रहरी कार्यालय चन्द्रौटाका प्रहरी निरीक्षक कपिलजंग शाहिले बताउनु भयो ।
देवानले आफुले झोला सहित रकम भेटाएको जानकारी प्रहरीलाई दिए लगतै अनुसन्धान गरी झोला र पैसा धनिलाई बोलाई बुझाएको प्रहरी निरीक्षक शाहिले बताउनु भयो ।
ईमानदारी पुर्वक रकम फिर्ता गरेका अरफात देवानलाई प्रहरी धन्यवाद दिएको छ । भेटाएको रकम सहि तरिकाले बुझाउन पाउदा आफुलाई धेरै खुसि महसुह भएको देवानले बताउनु भयो ।
