सार्वजनिक बिदाको दिनमा प्रशासनद्धारा सेवा प्रदान

कपिलवस्तु २ बैशाख
जिल्लाका अन्य कार्यालयका कर्मचारीहरुले नया बर्षको बिदा मनाईरहा प्रशासन कार्यालयका कर्मचारीहरु भने आफ्नो कार्यमा अन्य दिन जस्तै खटेका थिए । प्रशासन कार्यालयका प्रजिअ सहीत १० जना कर्मचारीहरु नया बर्षमा पनि नागरिकहरुलाई प्रशासन कार्यालयबाट प्रदान गर्ने सेवाहरु दिन दिनभर नै ब्यस्त थिए ।
शनिवार बाहेक अन्य सार्वजनिक बिदाका दिन पनि नागरिकता, राहदानी, राष्ट्रिय परिचय पत्रको सेवा दिने भन्दै एक साता अघि प्रशासन कार्यालयले सार्वजनिक सुचना जारी गरेको थियो । जिल्ला प्रशासन कार्यालय कपिलवसतुले सेवाग्राहीको स्ुबिधालाई मध्यनजर गरी सार्वजनिक बिदाको दिन पनि सेवा उपलब्ध गराएको हो । जिल्ला मै पहिलो पटक नयाँ बर्ष नागरिकहरुलाई सर्वसुलभ सेवा दिने उद्देश्यले शनिवार बाहेक अन्य सार्वजनिक बिदाका दिन समेत प्रशासन कार्यालयले सेवा दिन कार्ययोजना बनाईएको प्रजिअ शंकरहरि आचार्यले बताए ।
‘नागरिकहरुको सेवा सुबिधालाई मध्यनजगर गर्दै शनिवारका दिन बाहेक अन्य सार्वजनिक बिदाका दिन पनि सेवा दिन कार्ययोजना नै बनाएका छौ ’ उनले भने । पहिलो चरणमा नया बर्ष बैशाख १ गते, बैशाख १८ गते बिश्व मजदुर दिवस, बैशाख ३२ बुद्धजयन्ती र जेठ १५ गणतन्त्र दिवसका दिन समेत कार्यालय संचालन हुने सुचना जारी गरिएको छ ।
बिदाका दिन समेत सेवा दिन प्रशासन कार्यालयका कर्मचारीलाई पालौपालो खटाईने गरी ब्यवस्था मिलाइएको छ । बैशाख १ गतेका दिन ७४ जना सेवाग्राहीले बिभिन्न खालको सेवा लिएको प्रशाकीय अधिकृत गौतम बुढामगरले बताए । बैशाख १ गते बिदाका दिन समेत सेवा पाउदा सेवाग्राही दंग परेका छन । अन्य दिनको समय भन्दा बिदाको समयमा भने सजिलरी सेवा पाएको सेवाग्राही बताउछन ।
नागरिकता, राहदानी, राष्ट्रिय परिचय पत्रमा अन्य दिन भन्दा छिटो र सजिलरी सेवा पाएका थिए । नया बर्षका दिन पासपोर्ट लाइभईलरोलमेन्ट २३ जना, पासपार्ट बितरण २४ जना, पासपोर्ट भर्नकालागि नाम नामेसी लोख्ने कार्य ८ जना, राष्ट्रिय परिचय पत्र एनआइएम खोज्ने कार्य ३ जना नया नागरिकता ४ र प्रतिलिपी नागरिकता ३ जनाको प्रदान गरिएको छ । उता प्रशासन कार्यालयले बिद्युतीय अनलाईन राहदानी भर्ने काम समेत प्रशासन कार्यालय भित्रै निःशुल्क भर्ने ब्यवस्था समेत मिलाइएको सहायक प्रजिअ अनिल पौडेलले बताए ।