तनहु । वैशाख १० गते हुने तनहु क्षेत्र नंं. १ मा प्रतिनिधी सभाको उप निर्वाचनका लागि आवश्यक सवै तयारी पुरा भई सकेको छ । क्षेत्र नं. १ अन्र्तगतका ६९ वटा मतदान स्थलमा रहेका १ सय ५२ मतदान केन्द्रमा मत पत्र तथा आवश्यक सवै निर्वाचन सामाग्री पठाई सकिएको मुख्य निर्वाचन अधिकृतको कार्यालय तनहुले जनाएको छ ।
अघिल्लो निर्वाचनको तुलनामा यस पटकको उप निर्वाचनमा १ सय ८५ मतदाता घटेका छन् । उप निर्वाचनमा कुल १ लाख २३ हजार ३ सय ५ मतदाता रहेको जिल्ला निर्वाचन कार्यालयका प्रमुख हरि प्रसाद ढकालले बताए । कुल १ सय ५२ मतदान केन्द्रमा प्रति केन्द्र ५ जना कर्मचारीका दरले कुल ७ सय ५० कर्मचारीहरु निर्वाचन कार्यमा खटिएका छन् । नेपाल प्रहरी शशस्त्र प्रहरी र राष्ट्यि अनुसन्धान का कुल २ हजार ६ सय सुरक्षाकर्मीहरु निर्वाचनमा खटाईएको छ । नेपाली सेनाले निर्वाचन क्षेत्रका विभिन्न स्थलहरुमा बाहिरी गस्ती गरिरहेको छ ।
निर्वाचनका क्रममा सामान्य घटनामा भए पनि अन्य खासै कुनै सुरक्षा चुनौती नरहेको प्रहरी उपरीक्षक अवदेश विष्टले बताए ।
पटक पटक निर्वाचनमा भाग लिएका आम मतदाताहरु भने रोजगारी तथा विकास निर्माण कै मुद्धाहरुलाई निर्वाचित हुने उम्मेदवारले पुरा गर्नु पर्ने अपेक्षा गरेका छन् ।
निर्वाचन भररहित ढंगमा निष्पक्ष ढंगबाट संचालन हुने मुख्य निर्वाचन अधिकृतको कार्यालयले जनाएको छ । आम मतदाताहरुले भयरहित ढंगबाट मतदान गर्न पाउने वातावरण मिलाउन र मतगणना तथा मत परिणाम सार्वजनिक पछिको विजय उत्सव सम्मका कार्य संचालनमा आवश्यक पर्ने सवै सुरक्षा व्यवस्था मिलाई सकिएकोे मुख्य निर्वाचन अधिकृत कोमल आचार्यले बताए ।
तनहु १ मा हुने निर्वाचनकाे सवै तयारी पुरा
