दुर्घटना बढेको भन्दै कोदोहवा चौराहाको सडक अतिक्रमण तत्कालै हटाईने

कपिलवस्तु १४ बैशाख
कपिलवस्तुको तौलिहवा– बहादुरगंज सडक अन्र्तगत कपिलवस्तु नगरपालिका वडा नम्बर ४ कोदोहवा चोकमा रहेको सडक अतिक्रमण हटाईने भएको छ । कोदाहवा चौराहाको सडक क्षेत्र मै घर टहरा र टंकी भएका कारण दुर्घटना बढदै गए पछि सडक अतिक्रण हटाउन निर्णय गरिएको हो । यस अघि २ पटक सम्म नगरपालिकाले कोदाहवामा रहेको अतिक्रमण खाली गर्न सुचना जारी गरे पनि त्यसको बेवास्ता गरिएको छ ।
राजमार्ग सडकमा हुने अवरोध हटाउन गर्नु पर्ने सुरक्षा कार्यबिधि २०७५ को दफा ७ बमोजिम प्रशासन कार्यालयले तौलिहवामा राखेको जिल्ला स्तरीय बैठकमा सो निर्णय गरिएको हो । प्रजिअ शंकर हरि आचार्यको अध्यक्षतामा बसेको बैठकले सडक दुर्घटना र अवरोध भएको अवस्थामा सबै निकाय बिच समन्वय गरी आवस्यक ब्यवस्था मिलाउने निर्णय गरिएको छ । कपिलवस्तु नगरपालिकाका मेयर सुदीप पौडेलले समिति निर्णय गरेकोले आउने आईतावर सम्म कोदाहवाको अतिक्रण हटाईने बताए । आधा दर्जन जति घर टहरा सडक मै रहेकोले कोदहवा चौराहामा दुर्घटना हुने गरेकोले त्यहाको अतिक्रण हटाईने उनले बताए ।
यस्तै भवनी भिक्ष देखि बहादुरगंज तर्फ जाने चौराहा सम्मको सडक निर्माण कार्य सुस्त भएको, ठाउ ठाउमा खल्टा खुल्टी भएकाले त्यसको ब्यवस्थापन गर्न ठेकेदार कम्पनीलाई निर्देशन समेत दिईने उनले बताए । समितिले सडकमा रहेको अटो रेक्सा र फुटपाट फलफुल र अन्य पसलको समेत ब्यवस्थापन गर्न पालिकालाई जिम्मेवारी दिएको छ ।
कृष्णनगरबाट भित्रने भारतीय सवारी साधनलाई तौलिहवामा यातायात ब्यवस्थाको सेवा कार्यालय हुदा अस्थायी रुट परमिट लिन गाह्रो परेकोले त्यसको ब्यवस्था यथाशीघ्र गर्न पहल गर्ने निर्णय गरिएको छ । सडक क्षेत्रमा रहेको खल्टा खुल्टीले दुर्घटना निम्त्याएको भन्दै त्यसको ब्यवस्थान समेत गर्न जिम्मेवार निकायले गर्ने बाटोमा रहेको सुखेका रुखले समेत दुर्घटना हुन सक्ने भन्दै त्यसको समेत ब्यवस्थापन गर्ने निर्णय गरिएको छ ।
सडक डिभिजन कार्यालय हुलाकी कार्यालय र पालिका अन्र्तगतका सडकलाई ब्यवस्थित गर्न सम्बन्धित पक्षलाई निर्देशन दिएको प्रजिअ शंकर हरि आचार्यले बताए । बैठकमा जिल्ला सुरक्षा निकायका प्रमुख, डिभिजन सडक कार्यालय र हुलाकी सडक कार्यालयका प्रतिनिधि, यातायात ब्यवसायी, पत्रकार लगायतका सहभागीता थियो ।