बुटवलमा आज (१४ जेठ) बिहान एकै परिवारका तीन जनाको सामूहिक हत्या गरिएको छ । बुटवल उपमहानगरपालिका-११, मिलीजुलीपथमा रहँदै आएका ३४ वर्षीया दीपा बस्याल र उनका ४ र ७ वर्षका दुई छोरीहरूको हत्या भएको हो ।
जिल्ला प्रहरी कार्यालय रुपन्देहीका प्रवक्ता डीएसपी सुरज कार्कीले घटनाबारे अनुसन्धान गर्न र कसले किन हत्या गरेको भन्ने बुझ्न प्रहरी टोली घटनास्थलमा पुगेको बताएपनि उक्त जघन्य हत्या प्रकरणमा मृतक दीपाका पूर्व श्रीमानको हत रहेको स्थानीयले जनाएका छन् ।
सम्बन्ध विच्छेदपछि दीपाले अर्कैसँग विवाह गरेकी थिइन् । यसबाट चिढिएका उनका पूर्व श्रीमान सुजन कोइरालाले आफ्नै घरमा बोलाएर बुधबार बिहान ४ बजेतिर हत्या गरेको बताइएको छ ।
स्थानीयले जनाएअनुसार सुजन कोइराला यसअघि पनि हत्या अभियोगमा जेलसजाय काटिसकेका व्यक्ति हुन् भने उनलाई प्रहरीले नियन्त्रणमा लिएर अनुसन्धान अघि बढाएको छ ।
