कार्यबिधि बनाएर टेम्पोको ब्यवस्थापन गर्छौ ः नगर प्रमुख पौडेल

कपिलबस्तु, कात्तिक १६ गते । कपिलवस्तु नगरपालिकाका नगर प्रमुख सुदीप पौडेलले कार्यबिधि बनाएर टेम्पोको ब्यवस्थापन गरिने बताएका छन । पटक पटक ध्यानकर्षण गराउदा समेत कुनै सुनुवाई नभएको भन्दै कपिलस्तुका ५ यातायात प्रालिले आईतवार बिहान देखि अनिश्चितकालीन यातायात बन्द गरे पछि तौलिहवा स्थित बसपार्कमा पुगेर नगर प्रमुख पौडेले सो कुरा बताएका हुन ।
उनले ५ वटै यातायात प्रालिका प्रतिनिधि र टेम्पो ब्यवसायीसंग सामुहिक छलफल गरी कार्तिक २५ गते भित्र निकास निकाल्ने समेत बताए । नया सिडियोसंग समेत छलफल गरिने उनले बताए । शिवराज, बुद्धभुमी र बाणगंगा नगरपालिकाले टेम्पो ब्यवस्थापनका लागि बनाएको कार्यबिधि मगाएर अध्यनन समेत गरिने र ब्यवसायीसंग छलफल गरी कार्यबिधि बनाईने बताए ।
उनले कार्यबिधिको पालिकामा ड्राफ्ट समेत तयार भई सकेको समेत बताए । ‘ टेम्पो ब्यवस्थापनकालागि अब ढिलाई गर्दैनौ, चाडै निकास दिन्छौ ’ उनले भने । कुराकानी कै क्रममा बसपार्क जीर्ण र फोहर भएको भन्ने यातायात ब्यवसायीले गुनासो गरे पछि मेयर पौडेलले बसपार्क व्यवस्थित बनाउन यस वर्ष १० लाख बजेट विनियोजन गरिएको बताए ।
सबै मिलेर बस पार्कलाई ब्यवस्थित बनाउनु पर्ने उनले बताए । नगर पौडेलको प्रतिबद्धतासँगै आईतवार बिहान यातायात व्यवसायीले बन्द गरेको यातायात दिउसोबाट खुलेका छ । चार दिन अघि टेम्पो ब्यवस्थापनका माग गर्दै कपिलवस्तु,पश्चिम नेपाल, बुटवल, सिद्धार्थ र कृष्णनगर यातायात प्रालिले तत्कालीन प्रजिअ दिल कुमार तामाङ र कपिलवस्तु नगरपालिकाका नगर प्रमुख सुदीप पौडेललाई ज्ञापन पत्र बुझाएका थिए । जथाभावी टेम्पो चलाईदा आफुहरुको रोजरुराटीमा समस्या परेको यातायात ब्यवसायीको गुनासो छ ।