नवलपरासी कांग्रेसका प्रभावशाली नेताका रूपमा रहेका विक्रम खनाल रास्वपाबाट उम्मेदवार बनेका छन्। नवलपरासी क्षेत्र नम्बर १ मा उम्मेदवारका लागि उनलाई रास्वपाले टिकट दिएको हो।
खनालले टिकट पाएको बारे रास्वपाका जिल्ला सभापति महेन्द्र ठकुरीले पुष्टि गरे। उनले आफ्नो फेसबुक पेजमा समेत टिकट पुष्टि गर्दै लेखेका छन्,‘माननीय विक्रम खनाल दाइलाई घण्टी बाहक उम्मेदवार भएकोमा बधाई तथा शुभकामना। खनाल दाइको टिकटबारे निर्णय भइसकेको छ। क्षेत्र नम्बर २ मा भने बाँकी रहेको छ। दुई जनाको प्रतिस्पर्धाले ढिला भएको हो, केही समयमा टुङ्गिन्छ ।’
संविधान सभा सदस्यसमेत रहेका खनाल नवलपरासी नेपाली कांग्रेसका प्रभावशाली नेताका रूपमा रहेका थिए। कांग्रेसको संस्थापन र इतरपक्षको दुई गुटको राजनीतिमा जिल्लामा देबेन्द्रराज कँडेल र खनाल गुटले संगठन चलाउँदै आएका थिए। पछिल्लो समय खनाल कँडेलसँग मिलेपछि दुवै पक्षका नेताले छुट्टै गुट ९गगन गुट० समेत घोषणा गरेका छन्। खनाल शेखर कोइराला पक्षका नेता थिए। कँडेल देउवा पक्षका नेता हुनु।
विशेष महाधिवेशनअघि महाधिवेशनको विपक्षमा रहेका कँडेलले कांग्रेसको आधिकारिकतापछि गगन थापा नेतृत्वलाई समर्थन गरेका छन्। निर्वाचन क्षेत्र नम्बर १ बाट यसअघि निर्वाचित भएका सांसद विनोद चौधरीसमेत गगन गुटमा खुलिसकेकाले आफूले टिकट नपाउनेमा ढुक्क भएका खनालले रास्वपाबाट टिकट लिएको बताइएको छ। खनालले २०७९ को निर्वाचनमा टिकट नपाएपछि चौधरीलाई हराउन लागेको आरोप लाग्दै आएको थियो। कांग्रेस लुम्बिनी प्रदेशका महामन्त्रीसमेत रहेका खनाललाई सोही आरोपमा गरिएको कारबाही केही दिनअघि फुकुवा भएको थियो।
खनाल २०७० सालको संविधान सभामा कांग्रेसबाट विजयी भएका हुन्। उनलाई २०७४ सालमा निर्वाचन क्षेत्र नम्बर १‘क’ बाट पार्टीले प्रदेश सभा सदस्यमा उम्मेदवार बनाए पनि पराजित भएका थिए ।
रास्वपाबाट टिकट पाएको बारेमा नेता विक्रम खनालले टिकट हातमा आइनसकेको बताए। ‘टिकट हातमा आइसकेको छैन। नआई के भन्नुरु आएपछि थाहा भइहाल्छ,’ खनालले भने।
