काठमाडौं । नवनियुक्त स्वास्थ्य राज्यमन्त्री उमेश श्रेष्ठले तलव भत्ता केही पनि नलिने घोषणा गरेका छन् ।
सोमबार आफ्नो १०० दिने कार्ययोजना सार्वजनिक गर्दै राज्यमन्त्री श्रेष्ठले मन्त्रीको रुपमा आवास, तलबभत्ता लगायतको कुनै पनि सेवा सुविधा नलिने घोषणा गरेका हुन्। उनले सुरक्षाकर्मी भने राख्ने छन्।
पारिश्रमिक, आवास सुविधा नलिने सोमबार भर्चुअल रूपमा पत्रकार सम्मेलन गरेर उनले यस्तो बताए ।
नेपाली कांग्रेसका सांसद श्रेष्ठलाई प्रधानमन्त्री शेरबहादुर देउवाले स्वास्थ्य तथा जनसंख्या राज्यमन्त्री नियुक्त गरेका थिए।
श्रेष्ठले स्वास्थ्य, शिक्षा, कृषि तथा जलविद्युतलगायत क्षेत्रमा लगानी गरेका छन्। उनले आफू राज्यमन्त्री हुन्जेल ती संघसंस्थाबाट अलग रहेको पनि बताए।
राज्य मन्त्री श्रेष्ठले आफू आबद्ध सबै संस्थाबाट अलग्गिएको घोषणासमेत गरे। गठबनधनमा सल्लाह नगरी व्यापारीलाई मन्त्री बनाएको भन्दै प्रधानमन्त्री देउवाको खालोचना समेत भएको थियो ।
