काठमाडौं । नेकपा एमालेको चुनाव चिन्ह सूर्य खारेज हुन सक्ने भएपछि पार्टीभित्र खैलाबैला भएको छ । यहाँसम्म कि एमालेको चुनाव चिन्हको बिषय अदालतसम्म पुग्न सक्ने देखिएको छ ।
निर्वाचन आयोगले २ माघमा लेखेको पत्रमा नेपालको राष्ट्रिय झण्डा, निशान छाप, राष्ट्रिय फूल लालीगुराँस, राष्ट्रिय रङ्ग सिम्रिक, राष्ट्रिय जनावर गाई, राष्ट्रिय पंक्षी डाँफे, नेपालको नक्सा, राष्ट्रिय पहिचान बोकेका व्यक्तित्वका तस्वीर वा चिन्ह दललाई प्रदान नगर्ने र गरिसकिएको भए सोको पुनरावलोकन गर्ने कुरा लेखिएको छ ।
त्यसपछि अहिले विभिन्न सञ्चारमाध्यममा यो बिषयले चर्चा लिएको छ । यो बिषय अघि बढेसँगै एमालेभित्र अहिले के कसरी यो बिषयलाई सुल्झाउन सकिन्छ भनेर छलफल हुन थालेको बताइएको छ ।
आयोगले यसबारे २०७७ माघ ७ गते निर्णय भएको भन्दै राप्रपालाई गाई चिन्ह भएको भन्ने वाक्यांश हटाई विधानमा उल्लेख गर्न भनिसकेको अवस्था छ ।
राप्रपाको गाईसँगै एमालेको सूर्य चिन्हसमेत यो विवादमा तानिने देखिएको हो ।
