आजको पञ्चाङ्ग
श्रीशाके १९४३ नेपाल सं. ११४२ राक्षसनामक सम्वत्सर शिशिर ऋतु वि.सं. २०७८ माघ १८ गते तद्अनुसार सन् २०२२ फरवरी १ तारिख मंगलबार माघ कृष्णपक्ष अमावश्या तिथि श्रवण नक्षत्र सिद्ध योग १ः५ पर व्यतिपता योग किंस्तुघ्न करण आनन्दादिमा लुम्ब योग चन्द्रमा मकर राशिमा भ्रमणशील रहनेछ । काठमाडौमा सूर्योदय बिहान ६ः५३ मा भयो र सूर्यास्त साँझ १७ः४३ बजे हुनेछ । स्नान दानका लागि औंसी, हलो बार्ने, आर्यघाटमा माधवनारायण मेला, नवलपरासी त्रिवेणी मेला ।
आजको राशिफल
मेष – राजकाजसित सम्बन्धित काम बन्नेछ । आरोग्यता बढ्नेछ । साथै धनमाल हराउन सक्छ तर उद्योग तथा व्यापारमा सामान्य फाइदा मिल्नेछ । अस्वाभाविक प्रलोभनले अप्ठ्यारोमा पार्न सक्छ । नसोचेको ठाउमा खर्च हुन सक्छ । वार्तामा सफलता मिल्नेछ ।
वृष – धनको आगमन भइरहने छ । समस्याको समाधान मिल्नेछ । ऋण, रोग र शत्रुमाथि विजय प्राप्त हुनेछ । उत्साहजनक समाचारले हर्ष बढ्नेछ, तर लेनदेनमा विवाद बढ्न सक्ने हुँदा संयम भएर काम गर्नुहोला । चिताएको काम पूरा नहुन सक्छ । लगानी, दौडधुप, श्रम र प्रयत्नको उचित मूल्य नपाइने समय छ । आफन्त मिलनले भने सुख दिनेछ ।
मिथुन – समय मिश्रित फलदायक रहनेछ । व्यापारमा सफलता पाउनुहोला यात्रा गर्ने अवसर पनि मिल्नेछ । आम्दानी बढ्नुका साथै भौतिक साधन जुटाउन सकिनेछ । नयाँ सवारी साधन प्राप्तिको योग छ। आस मारेको काम बन्नाले उत्साह जाग्नेछ। सानो प्रयत्नले ठूलो काम सम्पादन हुनेछ । पैसो कमाउने योग छ । व्यर्थको खर्चले मन पिरोल्ला । शुभ काममा लाग्नु हितकर हुनेछ ।
कर्कट – दाम्पत्य सुख बढ्नेछ । आरोग्यता वृद्धि हुनेछ । प्रेममा सफलता प्राप्त हुनेछ । नोकरी तथा राजनीतिमा संलग्न हुनेहरु सफल होलान् । प्रशस्त फाइदा हुने योग छ । अधुरा काम बन्ने योग छ । धार्मिक मनोरञ्जनात्मक तरिकाबाट काम बन्ला । प्रियजनसँगको भेटले मन प्रफुल्ल रहला । वार्तामा सफलता मिल्नेछ । बोली र व्यक्तित्वको प्रभाव बढ्ला ।
सिंह – बौद्धिक रचनात्मक कलात्मक आदि कार्यमा सफलता मिले पनि आश्वासन दिएर झुक्याउनेहरूले सताउनेछन्, त्यसैले गोपनीयतामा ध्यान दिँदै सचेत रहनुहोला । निश्चय भएको काम अचानक बिग्रन सक्छ । वादविवादको सामना गर्नुपर्ला । जोखिममा नपर्नु हितकर हुनेछ । साहसिकताको क्षेत्रसित सम्बन्धित काम बन्नेछ । शत्रुमाथि विजय प्राप्त होला ।
कन्या – सार्थक काममा रुचि बढ्ला । यात्रामा सफलता प्राप्त होला । तर नयाँ कामको सुरुवात खासै राम्रो छैन । कार्यमा हैरानी बढ्न सक्छ । यसका बाबजुद विभिन्न अवसर पाइनेछ । जागिरको काममा भने डर हुनेछ । आगो र मेसिनरी सामग्रीबाट विशेष जोगिनुहोला । बौद्धिक र रचनात्मक कार्यमा सफलता मिल्नेछ । आमोदप्रमोदमा राउनुहुनेछ ।
तुला – अरुको भर नपर्दा शुभ होला । ठगी विश्वासघातदेखि सचेत रहनुपर्नेछ । सानातिना समस्या आइरहे पनि दिन मनोरञ्जनपूर्ण रहनेछ । व्यापार र रोजगारीका क्षेत्रमा लाभ मिल्नेछ । सामाजिक काममा पनि रुचि बढ्नेछ । दिन रमाइलोसँग बित्ला । आरोग्यतामा ध्यान दिनुपर्नेछ ।
वृश्चिक – कार्यमा सफलता मिल्नेछ । नयाँ सम्भावना देखापर्ला । नयाँ ज्ञान सिक्ने मौका छ । अप्रत्याशित लाभ हुनेछ । एउटै कामबाट दोहोरो लाभ मिल्नेछ । विशेष योजनाहरू बन्नेछन् । मनोरञ्जन पूर्ण रहने दिन छ । साझेदारीको काम बन्नेछ । भोगविलासमा आकर्षण बढ्नेछ । पारिवारिक सुख शान्ति बढ्नेछ । आर्थिक योजना र बजेट बनाइ कार्य गर्नु उचित हुनेछ ।
धनु – साहस बढ्नेछ । नयाँ काममा हात हाल्न केही समय पर्खंनुहोला । गर्दै आएको कामलाई भने निरन्तरता दिन सकिनेछ । अनावस्यक झमेलामा परिएला । ऋण रोग र शत्रुसित लड्ने क्षमता बढ्नेछ ।
मकर – बिघ्न हट्ला । कर्मयोगी रहनुहुनेछ तर अरुको भरमा नबसेमा राम्रो रहला । लगनशीलताले राम्रै उपलब्धि दिलाउनेछ । प्रतिभा देखाएर अवसर हात पार्न सकिनेछ । भूमि, वाहन र पैत्रिक सम्पत्तिको उपयोगबाट लाभ उठाउन सकिनेछ । इर्ष्यालु पात्रहरुबाट सावधान रहनुहोला । कलात्मक र रचनात्मक क्षेत्रसित सम्बन्धित काममा सफलता भेट्ला ।
कुम्भ – यात्रा होला । खर्च बढ्नेछ । साझेदारीसित सम्बन्धित काम बन्नेछ । निर्माण तथा व्यवहारिक क्षेत्रमा मन लाग्नेछ । मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् । व्यापारमा फाइदै हुनेछ । मिठो भोजन खान पाउनुहुनेछ । भोग विलासमा आकर्षण बढ्ला । ख्याति फैलिनेछ ।
मीन – ग्रहगोचर अत्यन्तै शुभ फलदायक छ । धन कमाउने दिन छ । दाम्पत्य जीवन सुखद रहला । अरूलाई प्रभावित पारेर काम लिन सकिनेछ । मेहनत गर्दा सफलता प्राप्त होला । यात्रामा सफलता मिल्नेछ । आशा उत्साह बढ्नेछ । ऋण रोग र शत्रुसित लड्ने क्षमता बढ्ला । घरपरिवारको स्थिति अनुकूल होला ।
