आजको पञ्चाङ्ग
श्रीशाके १९४३ नेपाल सं. ११४२ शिशिर ऋतु वि.सं. २०७८ माघ १९ गते बुधबार तद्अनुसार सन् २०२२ फरवरी २ तारिख माघ शुक्लपक्ष प्रतिपदा तिथि ९ः५२ पर द्वितीया तिथि धनिष्ठा नक्षत्र वरियाण योग बालब करण आनन्दादिमा मित्र योग चन्द्रमा मकर राशिमा ८ः१३ बजेसम्म त्यसपछि कुम्भ राशिमा भ्रमणशील रहनेछ । काठमाडौंमा सूर्योदय बिहान ६ः५२ मा र सूर्यास्त साँझ १७ः४४ मा हुनेछ । श्रीवल्लभ जयन्ती, सोनम ल्होसार, तामाङ ल्होछार ।
आजको राशिफल
मेष – आम्दानीको दिगो स्रोत जुट्न सक्छ । आयस्रोत वृद्धि हुनेछ । आरोग्यता पनि बढ्नेछ । बल, बुद्धि, शक्ति, सामर्थ्य आदि बढ्नेछन् । ऐश्वर्यवर्द्धक काममा सफलता प्राप्त हुनेछ । मिठो भोजन प्राप्त हुनेछ । सार्थक कार्यमा रुचि बढ्नेछ । ऋण, रोग र शत्रुसित लड्ने सामर्थ्य बढ्नेछ र पनि बिनाकारण अनेक चुनौती सामना गर्नुपर्ने अवस्था निम्तन पनि सक्ने देखिन्छ । तथापि, समस्याको समाधान मिल्नेछ ।
वृष – मान महत्व र आरोग्यता बढ्नेछ । धन वृद्धि हुनेछ । कार्यमा सफलता प्राप्त हुनेछ । बोली र व्यक्तित्वको प्रभाव बढ्ला । खेलकुद र भ्रमणमा रुचि रहला । कर्मयोगमा अभिवृद्धि हुनेछ । महत्वपूर्ण पात्रसित भेटघाट हुने र सहयोग पनि प्राप्त हुने योग छ । वार्तामा सफलता मिल्नेछ । बौद्धिक र रचनात्मक कार्य बन्नेछन् ।
मिथुन – राहुको प्रभावले विवाद, धनहानि, लाञ्छना जस्ता समस्या आउन सक्ने भए पनि भाग्यशक्ति बढ्नेछ । मित्रमिलन होला । सन्तानसुख मिल्नेछ । ऋण, रोग र शत्रुमाथि विजय प्राप्त हुनेछ । नयाँ सम्भावना देखापर्नेछ । आशा उत्साह बढ्नेछ ।
कर्कट – समय मिश्रित फलदायक छ । ऋण रोग र शत्रुमाथि ध्यान राख्नुपर्नेछ । व्यस्तता बढ्ला । जोखिममा नपर्नु हितकर हुनेछ । पारिवारिक समस्याहरू देखा पर्नेछन् । साझेदारीमा विवाद र पतिपत्नीमा असमझदारी बढ्न सक्छ । तथापि आश मारेको काम बनेर उत्साह थपिनेछ ।
सिंह – रसरागमा आकर्षण बढ्नेछ । आयस्रोत बढ्नेछ । रोकिएको काम बन्नेछ । प्रेम र मित्रताको बन्धन कसिलो हुनेछ । रमाइलो यात्राको अवसर जुट्न सक्छ। भ्रमणका बीच मानसम्मान पनि प्राप्त हुने समय छ। धन मान सुख समृद्धि बढ्नेछन् । कठोर परिश्रमले समस्याको समाधान मिल्ला ।
कन्या – समय शुभ फलदायक रहनेछ । बौद्धिक र रचनात्मक कार्य बन्नेछ । नयाँ उद्योग धन्दाको थालनी गर्न सकिने छ। समाजसेवा र परोपकारका कार्य गरिने छ। । धनको आगमन भइरहनेछ । अवश्यमेव सफल हुनुहुनेछ ।
तुला – रसरागमा आकर्षण बढ्ला । लगानी बढ्ला । सन्तानबाट फाइदा र सुख मिल्ने योग छ। रोकिएका काम सुरु हुनेछन् तर स्वास्थ्यमा बाधा, काममा झमेला र आफन्तबीच असमझदारी बढ्ने देखिन्छ । यात्रापरक कार्यमा सफलता मिल्नेछ । आशा उत्साह बढ्नेछ । आफन्तको साथ मिल्नेछ
वृश्चिक – ऋण रोग र शत्रुसित लड्ने क्षमता बढ्ला । आय वृद्धि भैरहनेछ । धेरै परिश्रमबाट थोरै लाभ मिल्ने तथा ठूलो लगानीबाट कम मात्र फाइदा हुने योग छ । घरखर्च पनि बढ्नेछ । साना व्यक्तिको सहयोगले ठूलो फाइदा उठाउन सकिने छ । विवाद आदिप्रति सचेत भइ अरुको भरमा नबसी काम गर्नु उचित हुनेछ । बोली र व्यक्तित्वको प्रभाव बलियो बन्नेछ ।
धनु – पारिवारिक कार्य बन्ला । बौद्धिक र रचनात्मक कार्य पनि बन्नेछ । रोकिएको धन उठ्ला । विश्वासमा पारेर धोका दिनेहरूले सताइरहनेछन् र पनि रोकिएका काम बन्न थाल्नेछन् । परोपकार र सामाजिक काममा रुचि जाग्नेछ । साझेदारीको काम बन्ला ।
मकर – सुख सम्पन्नता बढ्नेछ स्थायी सम्पत्ति आर्जन गर्ने समय छ। सामाजिक प्रतिष्ठा बढ्नेछ र मानसम्मान पाइनेछ। जीवनसाथीबाट पाइने साथ र सहयोगीहरूको मद्दतले काम सहजै सफल हुनेछन् । मान बढ्नेछ । घुमफिर गर्नुहुनेछ । यात्रामा सफलता पाउनुहुनेछ । आफन्तको सहयोग मिल्नेछ ।
कुम्भ – आरोग्यतामा वृद्धि हुनेछ । खर्चमा नियन्त्रण आउनेछ । प्रतिस्पर्धीहरूलाई पछि पार्दै विशेष अवसर हात पार्न सकिनेछ। स्थायी सम्पत्ति जोड्ने समय छ । रसरागमा आकर्षण बढ्ला । धन सम्पत्ति पनि बढ्नेछ । नियमकानूनप्रति सचेत रहनुपर्ला ।
मीन – नियमित काममा सफलता मिल्नेछ । बौद्धिक र रचनात्मक कार्य बन्नेछ साथै हांविलासमा आकर्षण बढ्नेछ । व्यवसायमूलक भ्रमण गर्ने समय छ । कृषि र पशुपालनमा सामान्य र उद्योग तथा व्यापारमा राम्रै लाभ मिल्ने देखिन्छ। आम्दानीका विभिन्न माध्यम फेला पर्नेछन् । बोली र व्यक्तित्वको प्रभाव बलियो बन्ला । मित्रमिलन हुनेछ । समस्याको समाधान मिल्नेछ ।
