आजको पञ्चाङ्ग
श्रीशाके १९४३ शिशिर ऋतु राक्षसनामक संवत्सर नेपाल सं. ११४२ वि.सं. २०७८ फाल्गुण १ गते आइतबार तद्अनुसार सन् २०२२ फरवरी १३ तारिख माघ शुक्लपक्ष द्वादशी तिथि आर्द्रा नक्षत्र ९ः३३ पर पुनर्वसु नक्षत्र प्रीति योग कौलव करण आनन्दादिमा ध्वाक्ष योग चन्द्रमा मिथुन राशिमा भ्रमणशील रहनेछ । काठमाडौंमा सूर्योदय बिहान ६ः४५ मा र सूर्यास्त साँझ १७ः५२ मा हुनेछ । फाल्गुन संक्रान्ति, भीष्मद्वादशी । विश्व रेडियो दिवस ।
आजको राशिफल
मेष – बौद्धिक र रचनात्मक क्षेत्रसित सम्बन्धित कार्यमा सफलता प्राप्त गर्नुहुनेछ । आयमूलक काममा सफलता मिल्नेछ । अधिकारका लागि केही संघर्ष हुन सक्छ । आँटेका काममा बाधा दिनेहरू प्रशस्तै हुनेछन् । फजुल खर्च पनि बढ्नेछ। तर मेहनतले विशेष उपलब्धि आर्जन हुनुका साथै मानसम्मानसमेत प्रप्त हुने समय छ। पारिवारिक सुख बढ्नेछ ।
वृष – रसराग र व्यस्तता बढ्नेछ । शुभ र बौद्धिक काममा सफलता मिल्नेछ । हिम्मतले काम लिनुका साथै समस्या सुल्झाउन सकिनेछ। आश मारेको कामले उत्साह जगाउनेछ। प्रयत्न गर्दा लक्ष्यमा पुग्न सकिनेछ । मेहनतले प्रतिस्पर्धाको दौड जिताउन सक्छ। शुभकाममा प्रवृत्ति बढ्ला । समस्याको समाधान प्राप्त हुनेछ ।
मिथुन – खर्चमा नियन्त्रण आउनेछ । रसरागमा आकर्षण बढ्नेछ । ऋण, रोग र शत्रुमाथि विजय प्राप्त हुनेछ । सामाजिक उत्तरदायित्व बहन गर्दै पछि फाइदा हुने काम हात पार्ने मौका छ। प्रतिस्पर्धीहरूले अप्ठ्यारोमा पार्ने प्रयास गर्नेछन् तर परिस्थितिसँग सम्झौता गर्नुपरे पनि प्रतिष्ठा जोगाउन सफल भइनेछ । उच्चाधिकारीको सहयोग समर्थन प्राप्त हुनेछ । रोकिएको काम बन्नेछ ।
कर्कट – खर्च र दौडधुप बढ्नेछ । ऋण, रोग र शत्रुमाथि ध्यान राख्नुपर्नेछ । दैनिक काममा राम्रै फाइदा हुनेछ । चिताएको काम बन्नाले प्रशन्नता मिल्नेछ । तर काममा अवरोध आउन पनि सक्छ । योजना र बजेट बनाई कार्य गर्नु हितकर हुनेछ । यात्रामा सफलता प्राप्त हुनेछ । बोली र व्यक्तित्वको प्रभाव बढ्नेछ ।
सिंह – ग्रहगोचर उन्नतिकारक रहला । उधारो धन उठ्ला । प्रतिस्पर्धीहरूले सताउन सक्छन् तर परिवारजनको साथले उत्साह जगाउनेछ। आफ्ना योजनाहरू गोप्य राख्नुहोला । साथीभाइसँग सन्तुलित व्यवहार गर्नुहोला। आफन्तको सहयोग समर्थन मिल्नेछ । घरपरिवारसित सम्बन्धित शुभ समाचार मिल्नेछ ।
कन्या – कठोर मिहीनेतले कार्यमा सफलता मिल्नेछ । जिम्मेवारी प्राप्त भए पनि तत्काल फाइदा उठाउन नसकिएला । स्वास्थ्य कमजोर बन्न सक्छ, खानपानमा ध्यान दिनुहोला । व्यावसायिक काममा पनि त्यत्ति फाइदा नहोला। बौद्धिक र रचनात्मक कार्यमा सफलता मिल्नेछ । जोखिममा नपर्नु हितकर हुनेछ ।
तुला – रसराग बढ्नेछ । यात्रा होला । समस्याको समाधान मिल्नेछ । दिगो फाइदा हुने काममा लगानी गर्ने मौका प्राप्त हुनेछ । परिवारजनका आवश्यकता पूरा हुनेछन् । शुभचिन्तकहरूको सुझावलाई बेवास्ता गर्दा दुःख पाइनेछ। स्थायी सम्पत्तिमा पनि विवाद आउन सक्छ। सन्तानको साथ मिल्नेछ । सुख समृद्धि धन यश मान पद प्रतिष्ठा बढ्नेछ । तथापि अरुको भरमा नबसी आफ्नै बलविवेकले काम गर्नु उचित होला ।
वृश्चिक – रसरागमा आकर्षण बढ्ला । यात्रापरक कार्य बन्ला, तर अरुमाथि भर पर्नु उचित हुनेछैन । जोखिममा नपर्नु उचित होला । आयआर्जन भने राम्रै हुनेछ । सुखदुःखमा साथ दिनेहरू प्रशस्तै भेटिनेछन्। अरूको मात्र भर पर्नाले आफ्नो महत्वाकांक्षा पूरा नहुन सक्छ।
धनु – आशा उत्साह बढ्ला । दाम्पत्य सुखमा रमाउने समय छ। रमाइलो यात्रा गर्ने अवसर जुट्न सकछ । लगनशीलताले प्रतिष्ठित काम गर्ने मौका दिलाउनेछ। बोलीको भरमा महत्वपूर्ण काम सम्पादन हुनेछ। मित्रजनको साथ मिल्नेछ । सुख आनन्द मिल्नेछ । वार्तामा सफलता मिल्ला । पारिवारिक स्थितिमा सुधार हुनेछ । मान पुरस्कार मिल्नेछ ।।
मकर – धन समृद्धिमा वृद्धि होला । हांसविलासमा रुचि बढ्ला । मनोकूलको काम बन्नेछ । अर्थअभाव महसूस होला । अप्ठ्यारा परिस्थितिसँग सम्झौता गर्नुपरे पनि बुद्धि लगाउँदा लक्ष्य पहिल्याउन सकिनेछ। सभा-समारोहमा मान मिल्नेछ । वार्तामा सफलता प्राप्त होला ।
कुम्भ – खेलकूद भ्रमण कार्यमा आकर्षण बढ्नेछ । अरूको विश्वास जिते पनि आफ्नाले धोका दिन सक्छन् । समयमा हिम्मत गर्न नसक्दा पछि परिनेछ । पुरानो समस्या दोहोरिनाले अलि अप्ठ्यारोमा परिएला । भोगविलासप्रति रुचि बढ्ला । प्रेममा सफलता मिल्नेछ ।
मीन – खेलकुद भ्रमणमा रुचि बढ्ला । रसरागमा रुचि रहला । शुभचिन्तकहरू समेत टाढा हुन सक्छन्, सजगता अपनाउनुहोला । काम बिग्रने डरले सताइरहनेछ। मेहनत गर्दा बिस्तारै कर्मफल प्राप्त हुनेछ।
