नेपाल शिक्षक संघ विनयी त्रिवेणी गाउँपालिका नवलपुरको नवौं महाधिवेशन तथा दोश्रो गाउँ पालिका अधिवेशन दुम्किबासमा सम्पन्न भएको छ। शिक्षक संघ विनयी त्रिवेणी गाउँपालिकाकी अध्यक्ष गिता देवी रायमाझीको अध्यक्षता तथा नेपाल शिक्षक संघ नवलपुरका अध्यक्ष चुरामणी कंडेलको प्रमुख आतिथ्यता कार्यक्रम सम्पन्न भएको हो। सो अवसरमा अध्यक्ष कंडेलले नेपाल शिक्षक संघले प्रस्तुत गरेको मागलाई शिक्षा मन्त्रालयको ध्यानाकर्षण गराएको जानकारी दिदै केही माग पुरा गर्ने र बाकी मागलाई पनि सम्बोधन गर्ने आश्वासन पाइएको बताउनु भयो। सो अवसरमा नेपाल शिक्षक संघ गण्डकि अर्थ उपमहासचिव विष्णु रिमाल,जिल्ला उपाध्यक्ष चोक बहादुर बाइजा, जिल्ला सचिव इन्द्र भट्टराई , भानु मा.वि. चुकहाका प्रअ.तेज प्रसाद भुषाल, युवराज जिसि,हरिस सिंह क्षेत्री लगायतले संघले गरेको गतिविधिमाथी प्रकाश पार्नु भएको थियो।
कार्यक्रममा अध्यक्ष रायमाझीले अध्यक्षको प्रतिवेदन र अर्थ सचिव विष्णु प्रसाद भुषालले आर्थिक प्रतिवेदन प्रस्तुत गर्नुभएको थियो। संघकी उपाध्यक्ष शारदा कोइरालाको स्वागतबाट प्रारम्भ भएको कार्यक्रमलाई शिक्षक शिव प्रसाद बस्यालले संचालन गर्नुभएको थियो। सम्पन्न अधिवेशनले दिनेश कुमार पाण्डेको अध्यक्षतामा ३५ सदस्यीय नयाँ कार्यसमिति सर्वसम्मत चयन भएको छ। जसको महिला उपाध्यक्षमा शारदा कोईराला ,उपाध्यक्षमा मदन जिसि,सचिवमा हरिस सिंह क्षेत्री,अर्थ सचिवमा प्रदीप काफ्ले,समावेसी सहसचिवमा यम सिंह थापा चयन हुनुभएको छ। त्यसैगरी सदस्यहरुमा सरिता पाण्डे,उषा कोइरी,शिव बस्याल,नारायण पाण्डे,गिता डिशा मगर र सन्दिप गुप्ता सर्वसम्मत निर्वाचित हुनुभएको दिपेन्द्र मा.वि. सर्दीका प्रअ.राजु जिसिले जानकारी दिनुभएको छ।
