आजको पञ्चाङ्ग
श्रीशाके १९४३ नेपाल सं. ११४२ शिशिर ऋतु राक्षसनामक संवत्सर वि.सं. २०७८ फाल्गुण १८ गते तद् अनुसार सन् २०२२ मार्च २ तारिख बुधबार फाल्गुण कृष्णपक्ष अमावश्या तिथि शतभिषा नक्षत्र शिव योग ५ः१८ पर साध्य योग गर चतुष्पाद करण आनन्दादिमा मानस योग चन्द्रमा कुम्भ राशिमा भ्रमणशील रहनेछ । काठमाडौंमा सूर्योदय बिहान ६ः३० मा भयो र सूर्यास्त साँझ १८ः०४ मा हुनेछ । दर्शश्राद्ध, हलो तथा निशी बार्ने ।
आजको राशिफल
मेष – आयस्रोत बढ्नेछ । प्रयारत काम बन्नेछ । परिवारिक सुख शान्ति समृद्धि बढ्नेछन् । रसरागमा रुचि बढ्नेछ । आम्दानीको दिगो स्रोत जुट्न सक्छ। स्थापित व्यवसाय, कृषिकर्म र उद्योगधन्दालाई निरन्तरता दिन सकिनेछ। यसका बाबजुद बिनाकारण अनेक चुनौती सामना गर्नुपर्ला । सचेत रहनुहोला ।
वृष – कर्म वृद्धि हुनेछ । बौद्धिक र रचनात्मक काममा सफलता प्राप्त भए पनि पैत्रिक सम्पत्तिका विषयमा दाजुभाइबीच विवाद आउन सक्छ । लगनशीलताले ठूलो काम बन्न सक्छ । सहकर्मीहरूसँग प्रतिस्पर्धा बढ्नेछ । इष्टमित्र र सन्तानसुख मिल्नेछ । शारीरिक र आर्थिक कार्यमा प्रगति होला ।
मिथुन – शुभ काममा सफलता प्राप्त हुनेछ । प्रसन्नताको समय छ । आतिथ्यपूर्ण सम्मान पाइनेछ। एक्लोपनाको अनुभूति पनि हुन सक्छ । राहुको प्रभावले विवाद, धनहानी, लाञ्छना लाग्ने जस्ता समस्या आउन सक्छन्, ध्यान राख्नुहोला । भागदौड बढ्नेछ । गौरव वृद्धि हुनेछ । ऋण, रोग र शत्रुसितको कुरामा अनुकूलता आउनेछ ।
कर्कट – भागदौड बढ्नेछ । जोखिममा नपर्नु हितकर हुनेछ । रसरागको कार्यमा प्रयासरत रहनुहुनेछ । आश मारेको काम बन्नाले उत्साह बढ्नेछ । विद्यार्थीहरूमा पढाइलेखाइको स्तर खस्कनेछ । साझेदारीमा विवाद र पतिपत्नीमा असमझदारी बढ्न सक्छ । ऋण रोग र शत्रुमाथि ध्यान राख्नुपर्नेछ ।
सिंह – आरोग्य र समृद्धि बढ्नेछ । रोकिएका काम बन्नेछन् । रमाइलो यात्राको अवसर जुट्न सक्छ। भ्रमणका बीच मानसम्मान पनि प्राप्त हुने समय छ। पेट र छातीसम्बन्धी समस्याले सताउन सक्छ। हासविलासमा आकर्षण बढ्नेछ । परिवारिक सुख शान्ति समृद्धि बढ्नेछ ।
कन्या – सफलता बढ्नेछ । काममा सफलता प्राप्त हुनेछ । व्यस्तता बढ्नेछ । तर्कशक्ति बढ्नुका साथै बौद्धिक क्षमता प्रदर्शन गर्ने मौका आउला । सुख शान्ति समृद्धि बढ्नेछ । कुनै पनि शारीरिक र आर्थिक जोखिममा नपर्नु उचित रहला । सन्तानको सहयोग मिल्नेछ ।
तुला – धनको आगमन भैरहनेछ । खेलकुद भ्रमणमा आकर्षण बढ्नेछ । समस्याको समाधान मिल्नेछ । सन्तानबाट फाइदा र सुख मिल्ने योग छ। रोकिएका काम सुरु हुनेछन् स्वास्थ्यमा बाधा, काममा झमेला र आफन्तबीच असमझदारी बढ्न सक्ने देखिन्छ । सुख समृद्धि मान पुरस्कार आदिमा बिघ्नबाधाको डर रहला । विवादमा पर्नु उचित हुने छैन ।
वृश्चिक – आयस्रोत बढ्ला । लगानी उठ्नेछ । परिश्रमबाट लाभ मिल्ने योग छ । घरखर्च पनि बढ्नेछ। ठूलो लगानीबाट कम मात्र फाइदा हुनेछ, विचार राख्नुपर्नेछ । साना व्यक्तिको सहयोगले ठूलो फाइदा उठाउन सकिनेछ । लेखनप्रकाशनसित सम्बन्धित काम बन्नेछ । आरोग्यता बढ्ला । आफन्तको सहयोग प्राप्त होला । आर्थिक पक्ष बलियो बन्नेछ ।
धनु – धर्मपथमा सफलता मिल्नेछ । साथीभाइले साथ दिनेछन्। पढाइमा अनुकूल समय छ। नयाँ नोकरी प्राप्ति वा पदोन्नति सम्भावना छ । व्यवसाय विस्तार हुनेछ । मनोकुलको काममा सफलता मिल्नेछ । उच्चाधिकारीको सहयोग मिल्नेछ । बोली र व्यक्तित्वको प्रभाव बढ्ला ।
मकर – खर्च र लगानी बढ्ला । धोखा हुने ठगिने सम्भावना रहनेछ । सोचीविचारी काम गर्नु अनुकुल रहनेछ । हांसविलासमा आकर्षण रहला । नियमकानूनलाई ध्यानमा राख्नुपर्नेछ । स्थायी सम्पत्ति आर्जन गर्ने समय छ। तर ऋण रोग र शत्रुप्रति सचेत रहनुपर्नेछ ।
कुम्भ – धन यश मान सुख समृद्धि बढ्नेछ । मिठो भोजन मिल्नेछ । रसरागमा आकर्षण बढ्नेछ । प्रतिस्पर्धीहरूलाई पछि पार्दै विशेष अवसर हात पार्न सकिनेछ। स्थायी सम्पत्ति जोड्ने समय छ। नयाँ नोकरी, पदोन्नति वा अनुकूल स्थानान्तरणको सम्भावना छ । बुद्धि(विवेकको उपयोग गर्न नसकिएला ।
मीन – आय वृद्धि होला । बोली र व्यक्तित्वको प्रभाव बढ्नेछ । वार्तामा सफलता मिल्नेछ । रमाइलो यात्राका बीच आतिथ्यपूर्ण सम्मान पाइने छ । व्यवसायमूलक भ्रमण गर्ने समय छ। कृषि र पशुपालनमा सामान्य र उद्योग तथा व्यापारमा राम्रै लाभ मिल्ने देखिन्छ । आम्दानीका विभिन्न माध्यम फेला पर्नेछन्। गौरवमा बढोत्तरी हुनेछ ।
