आजको पञ्चाङ्ग
श्रीशाके १९४३ शिशिर ऋतु राक्षसनामक संवत्सर नेपाल सं. ११४२ वि.सं. २०७८ फाल्गुण २४ गते मंगलबार तद्अनुसार सन् २०२२ मार्च ८ तारिख फाल्गुन शुक्लपक्ष षष्ठी तिथि भरणी नक्षत्र ६ः५९ पर कृतिका वैधृति योग कौलव करण आनन्दादिमा मुशल योग चन्द्रमा मेष राशिमा १३ः२९ बजेसम्म त्यसपछि वृष राशिमा भ्रमणशील रहनेछ । काठमाडौंमा सूर्योदय बिहान ६ः२४ मा भयो र सूर्यास्त साँझ १८ः०८ मा हुनेछ । नारी दिवस ।
आजको राशिफल
मेष – आरोग्य वृद्धि हुनेछ । यश वर्चश्व रहला । सानातिना काम र घरेलु समस्यामा नै आजको समय व्यतीत भए पनि त्यसबाट राम्रो लाभ हुनेछ । बोली र व्यक्तित्वको प्रभाव बढ्नेछ । ऋण रोग र शत्रुसित लड्ने क्षमता बढ्ला । आशा उत्साह थपिनेछ । धनसम्पत्ति मान महत्व ऐश्वर्य अभिवृद्धि हुनेछन् । बौद्धिक र रचनात्मक क्षेत्रसित सम्बन्धित कार्यमा पनि सफलता प्राप्त गर्नुहुनेछ । सुख समृद्धि बढ्नेछ । इष्टमित्रको साथ मिल्नेछ ।
वृष – रसराग बढ्नेछ । धनको आगमन भइरहने छ । व्यस्तता बढ्नेछ । मान महत्व बढ्ला । मनमा दोधारको अवस्था सिर्जना हुन सक्छ । यात्रामा सोचेजस्तो रमाइलो नहुन सक्छ । खानपानमा नियन्त्रण गर्नुहोला । ऋण रोग र शत्रुसित लड्ने सामर्थ्य बढ्नेछ । यात्रा होला । शुभकाममा प्रवृत्ति बढ्नेछ । समस्या समाधान हुनेछ ।
मिथुन – समय शुभ फलदायक छ । धनसम्पत्तिको आगमन भैरहने छ । आरोग्यता पनि बढ्नेछ । कामधन्दा र व्यवसायको चापले गर्दा प्रेमी या प्रेमिकासंग र दाम्पत्य सम्बन्धमा सामान्य चिसोपन देखिन सक्छ । खर्चमा नियन्त्रण आउनेछ । रसरागमा आकर्षण बढ्नेछ । ऋण, रोग र शत्रुमाथि विजय प्राप्त हुनेछ । उन्नति पदोन्नति हुनेछ । उच्चाधिकारीको सहयोग समर्थन प्राप्त हुनेछ । रोकिएको काम बन्नेछ ।
कर्कट – भागदौड बढ्नुका साथै धन पनि वृद्धि होला । ऋण, रोग र शत्रुमाथि विजय प्राप्त हुनेछ । तर बोलीको विपरीत अर्थ लाग्न सक्छ, मुखलाई नियन्त्रणमा राख्नुहोला । रसरागमा आकर्षण बढ्नेछ । योजना र बजेट बनाइ कार्य गर्नु हितकर हुनेछ । रोकिएको काम बन्नुका साथै नयाँ काममा सफलता मिल्नेछ ।
सिंह – ग्रहगोचर उन्नतिकारक रहला । सुख आरोग्यता र सौभाग्य बढ्ला । उधारो धन उठ्ला । आफन्तको सहयोग समर्थन मिल्नेछ । यात्रामा सफलता प्राप्त होला । घरपरिवारसित सम्बन्धित शुभ समाचार मिल्नेछ । रसरागमा रुचि बढ्नेछ ।
कन्या – कठोर मिहिनेतले कार्यमा सफलता मिल्नेछ । भागदौड बढ्ला । रोकिएको काम बन्नुसँगै रोकिएको धन उठ्नेछ । चुनौतीका बाबजुद नसोचेको काम बन्न सक्छ । धैर्यले काम लिने समय छ । बौद्धिक र रचनात्मक कार्यमा सफलता मिल्नेछ । जोखिममा नपर्नु हितकर रहला । खेलकूद तथा भ्रमणमा आकर्षण बढ्ला ।
तुला – समस्याको समाधान मिल्नेछ । रसरागमा मन जाला, प्रेममा सफलता प्राप्त होला । इष्टमित्र एवम् सन्तानको साथ मिल्नेछ । सहयोगीहरूले साथ दिनेछन् र काममा सोचेजस्तै सफलता मिल्नेछ । तथापि अरुको भरमा नबसी आफ्नै बलविवेकले काम गर्नु उचित होला । सुख समृद्धि धन यश मान पद प्रतिष्ठा बढ्नेछ । साझेदारीको काम बन्नेछ ।
वृश्चिक – मिठो भोजन मिल्नेछ । रसरागमा आकर्षण बढ्ला । रोकिएका काम सम्पादन हुनेछन् । कसैसंग सामान्य झगडा पनि हुन सक्छ । सवारी साधन हाँक्दा अपनाएको सचेतका कारण चोटपटकबाट जोगिनुहुनेछ । यात्रापरक कार्य बन्ला, तर अरुमाथि भर पर्नु उचित हुनेछैन । आजको दिन जोखिममा नपर्नु उचित होला ।
धनु – साहसिक काम बन्नेछ । सामाजिक उत्तरदायित्व वहन गर्ने समय छ । अधिकार प्राप्तिका लागि गरिएको प्रतिस्पर्धामा विजयी भइने छ । लेखन प्रकाशन, कला, साहित्य, लेखन आदिसित सम्बन्धित कार्यमा सफल हुनुहुनेछ । पराक्रम वृद्धि होला । आयात-निर्यातसित सम्बन्धित काम बन्ला । वार्तामा सफलता प्राप्त होला । पारिवारिक स्थितिमा सुधार हुनेछ ।
मकर – भाग्य वृद्धिका साथै आरोग्यता बढ्ला । शत्रुलाई जित्ने क्षमता बढ्नेछ । आर्थिक पक्ष सबल नै छ, तथापि समय बलियो छैन । गहना, कपडा वा धातुको कुनै वस्तु खरिद गर्दा राम्ररी मोलतोल गर्नुहोला । हांसविलासमा रुचि बढ्ला । सभामा मान मिल्नेछ । वार्तामा सफलता प्राप्त होला ।
कुम्भ – खेलकूद भ्रमण कार्यमा आकर्षण बढ्नेछ । धनसम्पत्ति बढ्नेछ । चुनौती र अपठ्यारा हटाउन गरिएको प्रयास आज सफल हुनेछ । आयस्रोत बढ्ला । समस्याको समाधान मिल्नेछ । भोगविलासप्रति रुचि बढ्ला । प्रेममा सफलता मिल्नेछ ।
मीन – खेलकुद भ्रमणमा रुचि बढ्ला । वार्तामा सफलता पाउनुहुनेछ । रसरागमा रुचि रहला । आर्थिक पक्ष सबल छ । स्वास्थ्यमा समस्या देखा पर्ने देखिन्छ । परिवारमा पाहुनाको चाप बढ्न सक्छ र तिनको आवागमनमा महत्वपूर्ण समयको नाश हुने सम्भावना छ । उन्नति हुनेछ । राजकाज बन्नेछ ।
