आजको पञ्चाङ्ग
श्रीशाके १९४३ शिशिर ऋतु राक्षसनामक संवत्सर नेपाल सं. ११४२ वि.सं. २०७८ फाल्गुण २५ गते बुधबार तद्अनुसार सन् २०२२ मार्च ९ तारिख फाल्गुन शुक्लपक्ष सप्तमी तिथि कृतिका नक्षत्र ९ः७ पर रोहिणी नक्षत्र विषकुम्भ योग गर करण आनन्दादिमा सिद्धि योग चन्द्रमा वृष राशिमा भ्रमणशील रहला । काठमाडौंमा सूर्योदय बिहान ६ः२२ मा भयो र सूर्यास्त साँझ १८ः०८ मा हुनेछ ।
आजको राशिफल
मेष – सुख वृद्धि हुनेछ । अप्ठ्यारो परिस्थितिमा पनि केही काम बन्नेछन् । समयको गतिलाई पछ्याउन प्रयत्न गर्नुहोला । मिठो भोजन प्राप्त हुनेछ । मित्रजनको साथ प्राप्त हुनेछ । नयाँ सम्भावना देखापर्ने छ । आरोग्यता वृद्धि हुनेछ । कार्यमा सफलता प्राप्त हुनेछ । ऋण, रोग र शत्रुमाथि विजय प्राप्त हुनेछ ।
वृष – आशा उत्साह थपिने छ । इष्टमित्रको साथ प्राप्त हुनेछ । सन्तानसुख मिल्नेछ । सानातिना काम र घरेलु समस्यामा अल्झनुपर्ला, तर लगनशीलताले राम्रै उपलब्धि दिलाउनेछ । परिवारजनको सहयोग लिँदा राम्रो हुनेछ । आयस्रोत र आरोग्यता बढ्ला । बौद्धिक र रचनात्मक काममा सफलता मिल्नेछ । रसरागमा आकर्षित हुनुहुनेछ ।
मिथुन – समय मिश्रित फलदायक रहनेछ । व्यस्तता बढ्नेछ । कार्यगति वृद्धि हुनेछ । आफ्नै बल विवेकले काम गर्नु हितकर रहनेछ । शक्तिशाली व्यक्तिहरूसँग प्रतिस्पर्धा हुन सक्छ । विवेकले काम लिने प्रयत्न गर्नुहोला । प्रयासरत काम बन्नेछ । अरुको भर नपर्नु हितकर हुनेछ । कठोर परिश्रमले समस्याको समाधान प्राप्त हुनेछ ।
कर्कट – आयस्रोत वृद्धि हुनेछ । ऋण, रोग र शत्रुमाथि विजय प्राप्त हुनेछ । धन, मान, सुख, समृद्धि बढ्नेछन् । दाम्पत्य सम्बन्धमा रमाउने र प्रेमको बन्धन कसिने बेला छ । दिन मनोरञ्जनपूर्ण रहनेछ । स्वास्थ्यका लागि खानपानमा सजग रहनुहोला ।
सिंह – सुख र आम्दानी बढ्नेछ । बिनाप्रतिस्पर्धा फाइदा हुने योग छ । अरूको भर पर्दा काम रोकिन सक्छ । रोकिएको काम बन्नुका साथै नयाँ काममा सफलता मिल्नेछ । ऋण, रोग र शत्रुमाथि विजय प्राप्त हुनेछ । मान वृद्धि हुनेछ । बोली र व्यक्तित्वको प्रभाव बढ्नेछ । समस्या समाधान हुनेछ ।
कन्या – खेलकुद र भ्रमण आदिमा आकर्षण बढ्नेछ । अरुको भर नपर्नु हितकर होला । रोकिएको धन प्राप्त हुनेछ । रोकिएका काम बन्नाले उत्साह जाग्नेछ। शत्रुहरू किनारा लाग्नेछन् । सहयोगीहरूले राम्रो साथ दिनेछन् । खर्च र व्यस्तता बढ्नेछ ।
तुला – आर्थिक प्रगति होला र मनमा सन्तुष्टि पनि मिल्नेछ । योजना गोप्य राखेर अघि बढ्दा फाइदा हुनेछ । चुनौती चिर्दै काम सम्पादन गर्न सकिनेछ। खर्च बढ्ने देखिन्छ । आफ्नै कमजोरीले विवादमा परिनेछ । ऋण रोग र शत्रुसित लड्ने सामर्थ्य भने बढ्नेछ । भोगविलासमा आकर्षण बढ्नेछ । बोली र व्यक्तित्वको प्रभाव बलियो बन्नेछ ।
वृश्चिक – समय फलदायक रहला । प्रेममा सफलता मिल्नेछ । विशिष्ट व्यक्तिसँग विवादको सम्भावना छ । स्वादिष्ट भोजनमा मन रमाउनेछ। आत्मविश्वास बढ्नेछ । रोकिएका काम बिस्तारै बन्नेछन् । आफन्तको सहयोग मिल्नेछ । लगानी वृद्धि हुनेछ । मिठो भोजन खान पाउनुहुनेछ । विलासमा आकर्षण बढ्नेछ ।
धनु – धनको आवागमन भैरहनेछ । नयाँ कामको प्रस्ताव आए पनि हिम्मत गर्न नसक्दा केही पछि परिनेछ । रोकिएको काम बन्नुको साथै लगानी उठाउन चाहेमा सफल रहनुहुनेछ । दैनिक काममा सफलता मिल्नेछ । विवादमा नपर्नु बेस होला । मिहिनेतयुक्त काममा रूचि बढ्ला । अरुको भर नपर्नु नै हितकर रहला ।
मकर – आशा उत्साह बढ्ला । रसराग प्रेममा सफलता मिल्नेछ । रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुनेछ । शत्रु र प्रतिस्पर्धीलाई सजिलै हराउन सकिनेछ । कार्यमा सफलता मिल्नेछ । आयस्रोत बढ्ला । अरुको भर नपरी आफ्नै बलविवेकले कार्य गर्नु हितकर रहनेछ ।
कुम्भ – प्रयासरत काम बन्नेछ । देखापरेको समस्याको समाधान होला । मान प्रसंशा बढ्नेछ । विशेष योजना गोप्य राखेर अघि बढ्नुहोला । धन आर्जन गर्ने मौका छ । पारिवारिक जमघटमा मन रमाउनेछ । बोली र व्यक्तित्वको प्रभाव बढ्ला । आरोग्यता वृद्धि होला । यात्रापरक काममा सफलता प्राप्त हुनेछ ।
मीन – आरोग्यता बढ्ला । मनोकूलको काम बनेर मन प्रसन्न रहनेछ । समयको गतिलाई पछ्याउन प्रयत्न गर्नुहोला । लगनशीलताले राम्रै उपलब्धि दिलाउनेछ। बुद्धिको उपयोगले धेरैलाई आफ्नो पक्षमा लिन सकिनेछ । गौरव र सुख शान्तिमा बढोत्तरी होला । रसरागमा रुचि बढ्नेछ ।सुखको वस्तुको लागि धन खर्च गर्नुहुनेछ ।
