आजको पञ्चाङ्ग
श्रीशाके १९४३ वसन्त ऋतु राक्षसनामक संवत्सर नेपाल सं. ११४२ वि.सं. २०७८ चैत्र ४ गते शुक्रबार तद्अनुसार सन् २०२२ मार्च १८ तारिख फाल्गुन शुक्लपक्ष पूर्णिमा तिथि १३ः१९ पर चैत्र कृष्ण पक्षको प्रतिपदा तिथि उत्तराफाल्गुणी नक्षत्र गण्ड योग बालव करण आनन्दादिमा शुभ योग चन्द्रमा सिंह राशिमा ७ः०४ बजेसम्म त्यसपछि कन्या राशिमा भ्रमणशील रहला । काठमाण्डौमा सूर्योदय बिहान ६ः१३ मा र सूर्यास्त साँझ १८ः१३ बजे हुनेछ । फागुपूर्णिमा, तराईमा होली ।
आजको राशिफल
मेष – सुख वृद्धि हुनेछ । मिठो बोलीको माध्यमले धेरैलाई मन्त्रमुग्ध बनाउन सकिनेछ । चिताएका काम सम्पादन हुनेछन् । व्यवसायमा लगानी बढाउने मौका जुर्न सक्छ । कर्ममा उत्साह र सफलता प्राप्त हुनेछ । मित्रजनको साथ प्राप्त हुनेछ । नयाँ सम्भावना देखापर्ने छ । मान, सुख, समृद्धि बढ्नेछन् । स्वास्थ्य सबल रहला । यश वर्चश्व वृद्धि हुनेछ । ऋण, रोग र शत्रुमाथि विजय प्राप्त हुनेछ ।
वृष – मान, महत्व र सम्पत्ति वृद्धि हुनेछ । सफलता अवश्यमेव प्राप्त हुनेछ । सेवामूलक कामबाट धनलाभ हुनेछ । सन्तान वा सहयोगीका माध्यमबाट काम बन्नेछ । लामो यात्रा गर्ने अवसर जुट्न सक्छ । इष्टमित्रको साथ प्राप्त हुनेछ । सन्तानसुख मिल्नेछ । आरोग्यता बढ्ला । बौद्धिक र रचनात्मक काममा सफलता मिल्नेछ । साहस सम्बन्धित काम बन्नेछ । रसरागमा आकर्षित हुनु हुनेछ । मान पुरस्कारको प्राप्ति हुनेछ । भोजभतेरमा भाग लिनुहुनेछ ।
मिथुन – समय शुभ फलदायक रहनेछ । आरोग्यता वृद्धि हुनेछ । व्यवसायमा आम्दानी बढ्ने देखिन्छ । श्रमको उचित मूल्य पाइनुका साथै आम्दानी पनि बढ्नेछ । इख राख्नेहरूले दुःख दिन सक्छन् । कार्यगति वृद्धि हुनेछ । समृद्धि बढ्नेछ । प्रयासरत काम बन्नेछ ।
कर्कट – आयस्रोत वृद्धि हुनेछ । ऋण, रोग र शत्रुमाथि ध्यान दिनुपर्नेछ । खर्च बढ्नेछ । आज कठोर परिश्रमले मात्र काम बन्नेछ । रसरागमा आकर्षण बढ्नेछ । विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ । सरल जीवनशैलीले भने धेरैको मन लोभ्याउन सक्छ ।
सिंह – धन बढ्नेछ । मिठो भोजन प्राप्त हुनेछ । आय वृद्धि हुनेछ । रोकिएको काम बन्नुका साथै नयाँ काममा सफलता मिल्नेछ । दिगो आम्दानी हुने काम सुरु गर्ने मौका छ । प्रतिष्ठित काम गरेर धेरैको स्याबासी प्राप्त गर्न सकिनेछ । तपाईंको कामले अरुलाई समेत लाभ पुग्ने योग छ । मान वृद्धि हुनेछ । ऋण रोग र शत्रुप्रति विजय प्राप्त हुनेछ । बोली र व्यक्तित्वको प्रभाव बढ्नेछ । समस्या समाधान हुनेछ ।
कन्या – कार्यगति र व्यस्तता बढ्नेछ । सफलताको दर पनि बढ्नेछ । उन्नति पदोन्नति हुनेछ । परिस्थिति अनुसार चल्न नसक्ता दुःख पाइनेछ । मान्यजनसँग असमझदारी बढ्न सक्छ । पहिलेको उपलब्धिले अध्ययनमा उत्साह जगाउनेछ । सहयोगीहरूले फाइदा दिलाउने छन् । मिठो भोजन मिल्नेछ । खेलकुद र भ्रमण आदिमा आकर्षण बढ्नेछ । अरुको भर नपर्नु हितकर हुनेछ ।
तुला – आर्थिक प्रगति होला तर मनमा सन्तुष्टि नमिल्न सक्छ । जिद्दी गर्ने बानीले समस्या निम्त्याउन सक्छ । अरूको सुझावमा भर नपर्नुहोला । केही अवसर जुटे पनि परिस्थिति अलि संघर्षमय रहला । अप्ठ्यारा कामको बोझ थपिन सक्छ । मिठो भोजन खान पाउनुहुनेछ । ऋण रोग र शत्रुसित लड्ने सामर्थ्य बढ्नेछ । बोली र व्यक्तित्वको प्रभाव बलियो बन्नेछ ।
वृश्चिक – समय मिश्रित फलदायक रहला । विवादमा नपर्नु हितकर होला । महत्वाकांक्षी योजना तत्काल सार्वजनिक नगर्नु नै बेस होला । मान मिल्नेछ । आज आफूलाई कमजोर भएको अनुभूति हुनेछ, धैर्यसाथ जुट्नुहोला । लगनशीलताले परिस्थितिलाई बदल्न सक्छ । ऋण रोग र शत्रुमाथि ध्यान राख्नुपर्नेछ । भोग विलासमा आकर्षण बढ्नेछ । रोकिएको धन प्राप्त हुनेछ ।
धनु – धनको आगमन भैरहनेछ । भागदौडधुप बढ्नेछ । अतिथिका रूपमा कतै सत्कार समेत पाइने सम्भावना छ । रोकिएका काममा दोहोर्याएर प्रयत्न गरे लाभ मिल्ला । दाम्पत्य सम्बन्धमा केही असमझदारी बढ्न सक्छ । दैनिक काममा सफलता मिल्नेछ । मित्रजनको सहयोग समर्थन मिल्नेछ । विवादमा नपर्नु बेस होला । मिहिनेतयुक्त काममा रूचि बढ्नेछ तर अरुको भर नपर्नु नै उत्तम रहला ।
मकर – आशा उत्साह बढ्ला । व्यवसायिक काममा यात्रा हुन सक्छ । रसराग प्रेममा सफलता मिल्नेछ । आफन्तको साथ मिल्नेछ । विशेष उपहार प्राप्त हुनुका साथै प्रशस्त धनलाभको योग छ, तर आर्जित धन तत्काल खर्च हुन सक्छ । पुरानो समस्याले केही झमेला आइलाग्न सक्छ । अरुको भर नपरी आफ्नै बलविवेकले कार्य गर्नु हितकर रहनेछ ।
कुम्भ – देखापरेको समस्याको समाधान मिल्नेछ । न्यून उपलब्धिका लागि निकै मिहिनेत गर्नुपर्ने समय छ । नयाँ काममा हात हाल्न केही समय पर्खनुहोला । स्वास्थ्यमा कमजोरी एवं काममा अवरोध आउनाले मन खिन्न रहनेछ । विकासको नयाँ सम्भावना देखापर्नेछ । बोली र व्यक्तित्वको प्रभाव बढ्ला । यात्रापरक काममा सफलता प्राप्त हुनेछ । वार्तामा सफलता मिल्नेछ ।
मीन – मनोकूलको काम बनेर मन प्रशन्न रहला । प्रेमको प्रस्ताव प्राप्त हुन सक्छ । तर शत्रुहरूको चलखेल बढ्नाले चुनौती सामना पनि गर्नुपर्ला । नयाँ काममा हात हाल्ने समय आएको छ । अल्छी गर्ने बानीले समस्या निम्त्याए पनि मेहनतीहरूका लागि समय उत्साहजनक रहनेछ । रसरागमा रुचि बढ्नेछ । खेलकूद भ्रमणमा आकर्षण बढ्नेछ । सुखको वस्तुको लागि धन खर्च गर्नुहुनेछ ।
