आजको पञ्चाङ्ग
श्रीशाके १९४३ नेपाल सं. ११४२ वसन्त ऋतु राक्षसनामक संवत्सर बि.सं. २०७८ चैत्र १६ गते तद् अनुसार सन् २०२२ मार्च ३० तारिख बुधबार चैत्र कृष्णपक्ष त्रयोदशी तिथि शतभिषा नक्षत्र शुभ योग भद्रा करण आनन्दादिमा मानस योग चन्द्रमा कुम्भ राशिमा भ्रमणशील रहनेछ । काठमाडौंमा सूर्योदय बिहान ५ः५९ मा र सूर्यास्त साँझ १८ः२० मा हुनेछ । पिशाच चतुर्दशी, वारुणी योग ११ः०३ बजेसम्म ।
आजको राशिफल
मेष – बुद्धिको उपयोगले लक्ष्य पहिल्याउन सकिनेछ, समयको गतिलाई पछ्याउन प्रयत्न गर्नुहोला । प्रतिस्पर्धामा केही कमजोर सावित भइएला । आफन्तबाट टाढिनुपर्ने समय छ । वैदेशिक क्षेत्रबाट भने सामान्य लाभ लिन सकिनेछ । लाभदायक काममा सफलता प्राप्त हुनेछ । प्रयारत काम बन्नेछ । बौद्धिक र रचनात्मक कार्य बन्नेछ । सन्ततिसुख धन यश इष्टमित्र बढ्ला । ख्याति फैलिनेछ । सुख शान्ति ऐश्वर्य बढ्लान् ।
वृष – उन्नति पदोन्नति हुनेछ । मान महत्व, यश, वर्चश्व वृद्धि हुनेछन् । व्यस्तताका साथै रसरागमा आकर्षण बढ्नेछ । लगनशीलताले राम्रै उपलब्धि दिलाउनेछ । समय लागे पनि काम सम्पादन हुनेछन् । परिवारजनको सहयोग लिँदा राम्रो हुनेछ । समयको सदुपयोग गर्नु हितकर होला ।
मिथुन – विचारलाई तौलेर मात्र व्यक्त गर्नु बुद्धिमानी हुनेछ । शक्तिशाली व्यक्तिहरूसँग प्रतिस्पर्धा हुन सक्छ, विवेकले काम लिने प्रयत्न गर्नुहोला। काममा स्थानान्तरण हुन सक्छ । लामो यात्राको सम्भावना छ । परिवारिक काममा सफलता मिल्नेछ । गौरव वृद्धि हुनेछ । ऋण, रोग र शत्रुसितको कुरामा अनुकूलता आउनेछ । नयाँ काममा सफलता प्राप्त हुनेछ । उन्नति पदोन्नति हुनेछ ।
कर्कट – भागदौड बढ्नेछ । रसरागको कार्यमा प्रयासरत रहनुहुनेछ । स्वास्थ्यका लागि खानपानमा सजग रहनुहोला । अल्छ्याइँ गर्दा अवसर गुम्न सक्छ। आर्थिक कारोवार अति आवश्यक अवस्थाबाहेक नगर्नु नै उचित हुनेछ । बल विवेकले काम बन्नेछ । ऋण रोग र शत्रुमाथि विजय प्राप्त हुनेछ, तथापि जोखिममा नपर्नु हितकर हुनेछ ।
सिंह – सुख र आरोग्यता बढ्नेछ । बिनाप्रतिस्पर्धा फाइदा हुने योग छ । अरूको भरपर्दा काम रोकिन सक्छ । हिम्मत गर्न नसक्दा योजना कार्यान्वयन नहुन सक्छ । हासविलासमा आकर्षण बढ्नेछ । यात्रा होला । खेलकुद आदिमा आकर्षण बढ्नेछ । परिवारिक सुख शान्ति रहला ।
कन्या – अनुकूल समय छ । सहयोगीहरूले राम्रो साथ दिनेछन् । दिगो फाइदाका लागि लगानी बढाउन सकिनेछ । गरिएका कामको राम्रै मूल्यांकन हुनेछ । सफलता र व्यस्तता बढ्नेछ । कुनै पनि शारीरिक र आर्थिक जोखिममा नपर्नु उचित रहला । बौद्धिक र रचनात्मक कार्यमा लाग्नु बेस हुनेछ र सफलता पनि मिल्नेछ । सन्तानको सहयोग मिल्नेछ । रसरागमा आकर्षण बढ्ला ।
तुला – धनको आगमन भैरहनेछ तर व्यवसायमा लगानी बढाउनुपर्ने समय छ । आफ्नै कमजोरीले विवादमा परिनेछ । आटेको काममा सफलता मिल्नेछ । पारिवारिक सुख शान्ति समृद्धि बढ्नेछन् । खेलकुद भ्रमणमा आकर्षण बढ्नेछ । समस्याको समाधान मिल्नेछ । सुख समृद्धि मान पुरस्कार आदिमा विघ्नबाधाको डर रहला । अरुसित मिलेर काम गर्नु बेस रहला तर अरुको भरमा बस्नु र विवादमा पर्नु उचित हुने छैन ।
वृश्चिक – बल बढ्ला । लगानी उठ्नेछ । यात्रामा सफलता मिल्नेछ । अध्ययनमा मन नलागे पनि आत्मविश्वास बढ्नेछ । रोकिएका काम बिस्तारै बन्नेछन् । तर समयमा काम पूरा नहुनाले अवसर गुम्न सक्छ, जिम्मेवारी भने बढिरहनेछन् । सहयोगको आशा देखाउनेहरूबाटै धोका पाइने सम्भावना छ । आफन्तको सहयोग प्राप्त होला । आर्थिक पक्ष बलियो बन्नेछ ।
धनु – मनोकुलको काममा सफलता मिल्नेछ । उच्चाधिकारीको सहयोग मिल्नेछ । बोली र व्यक्तित्वको प्रभाव बढ्ला । नयाँ कामको प्रस्ताव आए पनि हिम्मत गर्न नसक्दा केही पछि परिनेछ । व्यावसायिक काममा खर्च बढ्नेछ भने अरूका काममा महत्वपूर्ण समय बित्न सक्छ । रसराग गीतसंगीतमा आकर्षण बढ्नेछ । सन्ततिसुख बढ्नेछ ।
मकर – दिन रमाइलो भए पनि शत्रु र प्रतिस्पर्धीलाई सजिलै हराउन सकिनेछ । नयाँ प्रेम गर्ने अवसरका साथै प्रेम विवाहमा परिणत हुने योग छ । पेटमा गडबड भइरहने भएकोले खानपानमा ध्यान दिनु जरुरी छ । खर्च र लगानी बढ्ला । धोखा हुने ठगिने सम्भावना पनि रहनेछ, सोचीविचारी काम गर्नुहोला । हांसविलासमा आकर्षण रहला ।
कुम्भ – प्रशस्त धन आर्जन गर्ने मौका छ । कामको सन्दर्भमा विशिष्ट व्यक्तित्वहरूसँग मित्रता बढ्नेछ । कला, साहित्य, मनोरञ्जन आदि क्षेत्रमा रुचि बढ्नेछ । अप्रत्याशित लाभ हुनेछ । धन यश मान सुख समृद्धि बढ्नेछ । मिठो भोजन मिल्नेछ । रसरागमा आकर्षण बढ्नेछ ।
मीन – आय वृद्धि होला । बोली र व्यक्तित्वको प्रभाव बढ्नेछ । बुद्धिको उपयोगले धेरैलाई आफ्नो पक्षमा लिन सकिनेछ । धैर्यसाथ निरन्तरको प्रयत्नले काममा फाइदा हुनेछ । पारिवारिक जमघटमा मन रमाउनेछ। व्यापार–व्यवसायमा लाग्नेहरूलाई विशेष फाइदा हुनेछ । रुचिका विषयमा लगानी बढाउने समय छ। साझेदारीको काम बन्ला । मिठो भोजन मिल्नेछ ।
