आजको पञ्चाङ्ग
श्रीशाके १९४४ नेपाल सं. ११४२ वसन्त ऋतु नलनामक संवत्सर वि.सं. २०७९ बैशाख १ गते तद् अनुसार सन् २०२२ अप्रिल १४ तारिख बिहीबार चैत्र शुक्लपक्ष त्रयोदशी तिथि पूर्वाफाल्गुणी ८ः३७ पर उत्तराफाल्गुणी नक्षत्र वृद्धि योग कौलव करण आनन्दादिमा गद योग चन्द्रमा सिंह राशिमा १४ः४५ बजेसम्म त्यसपछि कन्या राशिमा भ्रमणशील रहनेछ । काठमाडौंमा सूर्योदय बिहान ५ः४३ मा भयो र सूर्यास्त साँझ १८ः२७ मा हुनेछ । नववर्षारम्भ । वैशाख संक्रान्ति । प्रदोष व्रत, महावीर जयन्ती ।
आजको राशिफल
मेष – रचनात्मक काममा सफलता प्राप्त हुनेछ । दीर्घकालीन रूपमा फाइदा हुने काममा हात हाल्ने समय छ । प्रयारत काम बन्नेछ । सवारीसाधन चलाउँदा सावधानी अपनाउनुहोला । रसरागमा रुचि बढ्नेछ । ऋण, रोग र शत्रुमाथि विजय प्राप्त हुनेछ । साहसिक कार्यमा रुचि बढ्ला । यात्रामा सफलता प्राप्त हुनेछ । बौद्धिक कार्य बन्नेछ ।
वृष – उन्नति पदोन्नति हुनेछ । व्यस्तता बढ्नेछ । रसरागमा आकर्षण वृद्धि होला । रुचिका विषयमा लगानी बढाउने समय छ । व्यापारलगायत आर्थिक लाभ हुने काममा राम्रै फाइदा हुनेछ । समयको सदुपयोग गर्ने प्रयत्न गर्नुहोला । समृद्धि बढ्नेछ ।
मिथुन – प्रेम र मित्रताको बन्धन कसिनेछ भने दाम्पत्य जीवन सुखमय बन्नेछ । परोपकारमा मन जानेछ तर स्वास्थ्यमा भने कमजोरी अनुभव हुनेछ । परिवारिक काममा सफलता मिल्नेछ । गौरव वृद्धि हुनेछ । ऋण, रोग र शत्रुसितको कुरामा अनुकूलता आउनेछ । नयाँ काममा सफलता प्राप्त हुनेछ । उन्नति हुनेछ ।
कर्कट – दौडधुप बढ्नेछ । सानातिना काममा महत्वपूर्ण समय बित्न सक्छ । अस्वस्थताले चिन्ता र काममा ढिलासुस्ती हुन सक्छ । रसरागको कार्यमा प्रयासरत रहनुहुनेछ । बल विवेकको जेडले काम बन्नेछ । ऋण रोग र शत्रुमाथि विजय प्राप्त हुनेछ । आँट बढ्नेछ ।
सिंह – हासविलासमा आकर्षण बढ्नेछ । यात्रा होला । खेलकुद भ्रमण आदिमा आकर्षण बढ्नेछ । तर अरूलाई दिएको वचनले अप्ठ्यारोमा पार्न सक्छ । व्यापारमा समेत सोचेको फाइदा नउठ्ने देखिन्छ । परिवारिक सुख शान्ति भने बढ्नेछ ।
कन्या – काममा सफलता प्राप्त हुनेछ । आँटेका काम तत्काल सम्पादन हुनेछन् । पछिसम्म लाभ हुने काममा लगानी गर्ने अवसर प्राप्त हुनेछ । विभिन्न सहयोग र उपहार पाइनेछ । बौद्धिक र रचनात्मक कार्यमा लाग्नु बेस हुनेछ र सफलता पनि मिल्नेछ । सन्तानको सहयोग मिल्नेछ ।
तुला – धनको आगमन भैरहनेछ । उपचारमा खर्च हुने योग छ । मेहनत गर्दा राम्रै प्रतिफल प्राप्त हुने समय छ। सहयोगीहरूले काममा उत्साह जगाउनेछन् । भ्रमणमा आकर्षण बढ्नेछ । समस्याको समाधान मिल्नेछ । विघ्नबाधाको डर रहला । अरुसित मिलेर काम गर्नु बेस हुनेछ ।
वृश्चिक – लेखन-प्रकाशनसित सम्बन्धित काम बन्नेछ । आरोग्यता बढ्ला । तर सहयोगको आशा देखाउनेहरूले धोका दिन सक्छन्, सचेत रहनुहोस् । व्यापारमा फाइदा हुनेछ । प्रतिस्पर्धीलाई पनि पछि पार्न सकिनेछ। शत्रुसित लड्ने क्षमता बढ्नेछ । आफन्तको सहयोग प्राप्त होला ।
धनु – मनोकुलको काममा सफलता मिल्नेछ । उच्चाधिकारीको सहयोग मिल्नेछ । विद्यामा कमजोरी र लेनदेनमा विवाद होला । विगतका समस्या बल्झिन सक्छन् । सानातिना काम र घरेलु समस्या देखापर्ला । यसका बाबजुद रोकिएका काम बन्नाले उत्साह जाग्नेछ । बोली र व्यक्तित्वको प्रभाव बढ्ला । रसराग गीतसंगीतमा आकर्षण बढ्नेछ ।
मकर – खर्च र लगानी बढ्ला । धोखा हुने ठगिने सम्भावना रहनेछ । सोचीविचारी काम गर्नु अनुकुल रहनेछ । हांसविलासमा आकर्षण रहला । नियमकानूनलाई ध्यानमा राख्नुपर्नेछ । ऋण रोग र शत्रुप्रति सचेत रहनुपर्नेछ । विशिष्ट व्यक्तिसँग सम्पर्क होला ।
कुम्भ – कामको चापबाट फुर्सद पाइनेछ । सुखदुःखमा साथ दिनेहरू प्रशस्तै भेटिनेछन् । मनमा डर लागे पनि विभिन्न अवसरले पछ्याउनेछन् । बोलीको प्रभाव पनि बढ्नेछ । कला, साहित्य, मनोरञ्जन आदि क्षेत्रमा रुचि बढ्नेछ । धन यश मान सुख समृद्धि बढ्नेछ । मिठो भोजन मिल्नेछ । रसरागमा आकर्षण बढ्नेछ ।
मीन – बोली र व्यक्तित्वको प्रभाव बढ्नेछ तर उपलब्धि प्राप्त गर्न निकै मिहिनेत गर्नुपर्नेछ । काम पूरा नहुनाले मन खिन्न रहनेछ । आफन्त तथा नजिकका साथीभाइ टाढिन सक्छन् । अन्नधन बढ्ला । मान महत्व बढ्नेछ । हांसविलासमा आकर्षण बढ्ला । आरोग्यता बढ्नेछ ।
