आजको पञ्चाङ्ग
श्रीशाके १९४४ वसन्त ऋतु नलनामकसंवत्सर नेपाल सं. ११४२ वि.सं. २०७९ वैशाख ८ गते बिहीबार तद्अनुसार सन् २०२२ अप्रिल २१ तारिख वैशाख कृष्णपक्षको पञ्चमी तिथि मूल नक्षत्र परिघ योग गर करण आनन्दादिमा धूम्र योग चन्द्रमा धनु राशिमा भ्रमणशील रहनेछ । काठमाडौंमा सूर्योदय बिहान ५ः३६ मा भयो र सूर्यास्त साँझ १८ः३१ मा हुनेछ । आज छन्द दिवस ।
आजको राशिफल
मेष – भाग्यबल वृद्धि हुनेछ । प्रेमको बन्धनमा कसिनेछ । रोकिएका काम बन्नाले उत्साह जाग्नेछ । आश्वासन बाँड्नेहरूले झुक्याउन सक्छन् । सवारीसाधन उपयोग गर्दा अलि सावधानी अपनाउनुपर्ला । बोली र व्यक्तित्वको प्रभाव बढ्नेछ । मित्रजनको साथ मिल्नेछ । हरेक प्रकारले पराक्रम बढ्नेछ । पारिवारिक सुख बढ्नेछ ।
वृष – भागदौडका साथै रसरागमा आकर्षण बढ्नेछ । दाम, इनाम र प्रतिष्ठा कमाउने बेला छ । भूमि, वाहन र पैत्रिक सम्पत्तिबाट लाभ मिल्ने योग छ । नयाँ काममा हात हाल्नचाहिँ केही समय पर्खंदा राम्रो हुनेछ । तर गर्दै आएको कामलाई निरन्तरता दिन सकिनेछ । शुभ र बौद्धिक काममा सफलता मिल्नेछ । मिठो भोजन प्राप्त हुनेछ । ऋण रोग र शत्रुसित लड्ने सामर्थ्य बढ्नेछ । समस्याको समाधान प्राप्त हुनेछ ।
मिथुन – प्रेममा आकर्षण बढ्नेछ । धनसम्पत्तिको आगमन भैरहने छ । व्यस्तता पनि बढ्नेछ । यात्रामा समस्या आउने र बाध्यताका काममा जुट्नुपर्ने योग छ। जीवनसाथीको माध्यमबाट फाइदा हुनेछ । बलजफ्तीले चिताएको काम बिग्रन सक्छ। पुरानो सम्झौता भंग हुने सम्भावना पनि छ । खर्चमा नियन्त्रण आउनेछ । यात्रामा सफलता हासिल हुनेछ ।
कर्कट – धन बढ्नेछ । भागदौड पनि बढ्नेछ । आशा देखाउनेहरूको भरपर्दा धोका हुन सक्छ । चुनौतीपूर्ण कामको दायित्व लिनाले धेरै परिश्रमपछि न्यून सफलता मिल्नेछ । केही अप्ठ्यारा परिस्थितिसँग सम्झौता गर्नुपर्दा मन खिन्न रहनेछ । रसरागमा आकर्षण बढ्नेछ । योजना र बजेट बनाई कार्य गर्नु हितकर हुनेछ ।
सिंह – बन्ने निश्चय भएको काम अचानक बिग्रन सक्छ । लगनशीलताले कीर्तिमानी दिलाउन सक्छ । उधारो लगानी लगाइएको धन उठ्ला । रोकिएको काम बन्नेछ । आफन्तको सहयोग समर्थन मिल्नेछ । यात्रामा सफलता प्राप्त होला । सुखसुविधासित सम्बन्धित काममा सफलता मिल्नेछ । रसरागमा रुचि बढ्नेछ ।
कन्या – कठोर मिहीनेतले कार्यमा सफलता मिल्नेछ । व्यावसायिक काम बीचमा अवरुद्ध बन्न सक्छ। आम्दानी बढ्नेछ भने आतिथ्यपूर्ण सम्मान प्राप्त हुन सक्छ । प्रेमको बन्धन कसिने बेला छ । रोकिएको काम बन्नुसँगै रोकिएको धन उठ्नेछ । बौद्धिक र रचनात्मक कार्यमा सफलता मिल्नेछ । जोखिममा नपर्नु हितकर हुनेछ ।
तुला – रसरागका साथै सुख आनन्द बढ्ला । प्रयत्न गरेका काम ढिलै सम्पादन भए पनि उपलब्धि राम्रै पाइनेछ । काम बिग्रने भयले सताउला । कार्यमा सफलता भैरहनेछ । समस्याको समाधान मिल्नेछ ।सुख समृद्धि धन यश मान पद प्रतिष्ठा बढ्नेछ । तथापि, अरुको भरमा नबसी आफ्नै बलविवेकले काम गर्नु उचित होला । मिठो भोजन मिल्नेछ । साझेदारीको काम बन्नेछ ।
वृश्चिक – नयाँ काममा हात हाल्न केही समय पर्खंदा राम्रो हुनेछ । बदनाम व्यक्तिहरूले मात्र सहयोगको तत्परता देखाउनेछन्, सजग रहनुहोला । रसरागमा आकर्षण बढ्नेछ । यात्रापरक कार्य बन्ला, तर अरुमाथि भर पर्नु उचित हुने छैन । जोखिममा नपर्नु उचित होला ।
धनु – विगतका समस्या बल्झिन सक्छन् । प्रयत्न गर्दा व्यावसायिक काम सम्पादन हुनेछन् । तर व्यापार(व्यवसायमा सोचेको लाभ नमिल्न सक्छ । सहयोगको आशा देखाउनेहरूले झुक्याउलान् । लेखन प्रकाशन, कला, साहित्य, लेखन आदिसित सम्बन्धित कार्यमा सफल हुनुहुनेछ । पराक्रम वृद्धि होला । आयातनिर्यातसित सम्बन्धित काम बन्ला । सुख आनन्द मिल्नेछ । भोजभतेरमा भाग लिनु हुनेछ ।
मकर – भाग्य वृद्धि होला । आरोग्यता बढ्ला । शत्रुहरू किनारा लाग्नेछन् । प्रतिस्पर्धामा पनि विजयी भइनेछ। आस मारेको काम बन्नाले उत्साह जाग्नेछ। एउटै कामबाट दोहोरो लाभ मिल्नेछ । हांसविलासमा रुचि बढ्ला । मनोकूलको काम बन्नेछ । सभासमारोहमा मान पुरस्कार मिल्नेछ । वार्तामा सफलता प्राप्त होला ।
कुम्भ – खेलकूद भ्रमण कार्यमा आकर्षण बढ्नेछ । न्यून उपलब्धिका लागि निकै मिहिनेत गर्नुपर्ने समय छ। समुदायको हितमा राम्रै काम गर्न सकिनेछ । धनसम्पत्ति बढ्नेछ । आयस्रोत बढ्ला । समस्याको समाधान मिल्नेछ । भोगविलासप्रति रुचि बढ्ला । प्रेममा सफलता मिल्नेछ । मित्रमिलन हुनेछ ।
मीन – खेलकुद भ्रमणमा रुचि बढ्ला । वार्तामा सफलता पाउनुहुनेछ । रसरागमा रुचि रहला । आजको दिन आफ्ना योजना गोप्य राखेर अघि बढ्दा फाइदा हुनेछ । आफ्ना विषयवस्तुमा अरूले अधिकार जमाउन सक्छन्। शत्रुहरूको चलखेल बढ्नाले गल्तीबिनै आरोप लाग्न सक्छ । होसियार रहनुहोला ।
