आजको पञ्चाङ्ग
श्रीशाके १९४४ वसन्त ऋतु नलनामक संवत्सर नेपाल सं. ११४२ वि.सं. २०७९ वैशाख १६ गते शुक्रबार तद्अनुसार सन् २०२२ अप्रिल २९ तारिख वैशाख कृष्णपक्षको चतुर्दशी तिथि रेवती नक्षत्र विषकुम्भ योग भद्रा करण आनन्दादिमा श्रीवत्स योग चन्द्रमा मीन राशिमा भ्रमणशील रहनेछ । काठमाडौंमा सूर्योदय बिहान ५ः२९ बजे भयो र सूर्यास्त साँझ १८ः ३६ मा हुनेछ । माताति चह्रेपूजा ।
आजको राशिफल
मेष – मनोकूलको काम बन्ने योग छ । ठीक समयमा सही निर्णय लिन सकिने छ । कार्यसम्पादन क्षमता बढ्नेछ । आम्दानी बढ्नेछ भने परिवारजनका आवश्यकता पूरा हुनेछन् । बोली र व्यक्तित्वको प्रभाव रहला । आशा उत्साह थपिनेछ । हरेक प्रकारले पराक्रम बढ्नेछ ।
वृष – रसरागमा आकर्षण रहला । शुभ र बौद्धिक काममा सफलता मिल्नेछ । ऋण रोग र शत्रुसित लड्ने सामर्थ्य बढ्नेछ । प्रतिस्पर्धीहरूलाई पछि पार्ने समय छ । इर्ष्या गर्नेहरूको मनोबल कमजोर हुनेछ । आश्वासन बाँड्नेहरूले झुक्याउन सक्छन् । अरूको विश्वासमा पर्दा अन्त्यमा धोका पाइएला । तथापि, समस्याको समाधान प्राप्त हुनेछ ।
मिथुन – समय सामान्य नै रहला । टाढाको यात्रा गर्ने प्रक्रिया अघि बढ्ने समय छ । कामका लागि गरिएको भ्रमणमा समय मात्र बित्नेछ । समस्या थपिन सक्छन् । सानातिना काम र घरेलु समस्यामै अल्झनुपर्ने देखिन्छ । प्रेममा आकर्षण बढ्नेछ । व्यस्तता पनि बढ्नेछ । ऋण, रोग र शत्रुमाथि विजय प्राप्त हुनेछ । यात्रामा सफलता हासिल हुनेछ ।
कर्कट – भागदौड बढ्नेछ । बौद्धिक प्रतिस्पर्धामा विजयी भइनेछ । प्रतिष्ठित काम सम्पादन गर्ने मौका छ । चुनौतीहरू पन्छाउँदै रोकिएका काम पनि बनाउन सकिने छ । ऋण, रोग र शत्रुमाथि विजय प्राप्त हुनेछ । रसरागमा आकर्षण बढ्नेछ । योजना र बजेट बनाई कार्य गर्नु हितकर हुनेछ ।
सिंह – ग्रहगोचर मिश्रित रहला । सुख आरोग्यता र सौभाग्य बढ्ला । बोलीको माध्यमले लाभ उठाउन सकिनेछ । प्रयत्न गर्दा अप्ठ्यारा काम सम्पादन हुन सक्छन् । उपलब्धिले थप उत्साह जगाउने छ । भौतिक साधन जुट्नाले प्रसन्नता मिल्नेछ । उधारो लगानी लगाइएको धन उठ्ला । रोकिएको काम बन्नेछ । आफन्तको सहयोग समर्थन मिल्नेछ ।
कन्या – कार्यमा सफलता मिल्नेछ । रमाइलो यात्रा गर्ने अवसर जुट्नेछ । पुरानो समस्याले केही झमेला आइलाग्ने सम्भावना पनि छ । दाम्पत्यमा शंका र असमझदारी बढ्न सक्छ । प्रयत्न गर्दा लक्ष्यमा पुग्न सकिने छ । यात्रामा विशेष लाभ होला । बौद्धिक र रचनात्मक कार्यमा सफलता मिल्नेछ ।
तुला – कार्यमा सफलता भैरहनेछ । समस्याको समाधान मिल्नेछ । प्रेममा सफलता प्राप्त होला । सहयोगीहरूको भर नपर्नुहोला । प्रतिष्ठा, मान–सम्मान आदि पाइनेछ । स्वादिष्ट भोजनको आनन्द मिल्नेछ । परिवारजनसँग आत्मीयता बढ्नेछ । अरुको भरमा नबसी आफ्नै बलविवेकले काम गर्नु उचित होला ।
वृश्चिक – परिवारजनको सहयोगले लाभ उठाउन सकिने छ । घरायसी काम बन्नेछन् । रसरागमा आकर्षण बढ्ला । यात्रापरक कार्य बन्ला, तर अरुमाथि भर पर्नु उचित हुनेछैन । परिस्थितिअनुसार चल्न नसक्ता दुःख पाइनेछ । सहयोगीहरूले पनि विपक्षीलाई साथ दिनाले काममा चुनौती देखिएलान् ।
धनु – साहसिक काम बन्नेछ । आशा उत्साह बढ्ला । साथ दिनेहरू बढ्नेछन् । आयआर्जनका स्रोत फेला पर्ला । व्यापारमा पनि बढी नै फाइदा हुने समय छ । लेखन प्रकाशन, कला, साहित्य आदिसित सम्बन्धित कार्यमा सफल हुनुहुनेछ । पारिवारिक स्थितिमा सुधार हुनेछ ।
मकर – भाग्य वृद्धि होला । आरोग्यता बढ्ला । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । धन समृद्धिमा वृद्धि होला । शत्रुलाई जित्ने क्षमता बढ्नेछ । हांसविलासमा रुचि बढ्ला । मनोकूलको काम बन्नेछ । वार्तामा सफलता प्राप्त होला ।
कुम्भ – प्रतिस्पर्धीहरूले अप्ठ्यारोमा पार्ने प्रयास गर्नेछन् । व्यावसायिक काममा खर्च बढ्नेछ। अर्थअभाव खट्किए पनि चिताएको काम सम्पादन गर्न सकिनेछ । खेलकूद र भ्रमण कार्यमा आकर्षण बढ्नेछ । धनसम्पत्ति बढ्नेछ । समस्याको समाधान मिल्नेछ । भोगविलासप्रति रुचि बढ्ला । प्रेममा सफलता मिल्नेछ ।
मीन – वार्तामा सफलता पाउनुहुनेछ । मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउन सक्छ । हिम्मतले काम बनाउन सकिनेछ । मनमा डर लागे पनि विभिन्न अवसरले पछ्याउनेछन् । रसरागमा रुचि रहला ।
