आजको पञ्चाङ्ग
श्रीशाके १९४४ नेपाल सं. ११४२ नलनामक सम्वत्सर वसन्त ऋतु वि.सं. २०७९ वैशाख १७ गते तद्अनुसार सन् २०२२ अप्रिल ३० तारिख शनिबार वैशाख कृष्णपक्षको अमावश्या तिथि अश्विनी नक्षत्र प्रीति योग चतुष्पाद करण आनन्दादिमा सौम्य योग चन्द्रमा मेष राशिमा भ्रमणशील रहनेछ । काठमाडौंमा सूर्योदय बिहान ५ः२८ मा भयो र सूर्यास्त साँझ १८ः३६ बजे हुनेछ । मातातीर्थ स्नान, आमाको मुख हेर्ने ।
आजको राशिफल
मेष – ऋण, रोग र शत्रुमाथि विजय प्राप्त हुनेछ । बोली र व्यक्तित्वको प्रभाव पनि बढ्नेछ । तर आशा देखाउनेहरूले धोका दिन सक्छन् । लाभ नहुने कामको जिम्मेवारी वहन गर्नुपर्ने स्थिति आउन सक्छ । अवसरवादीहरूले आफ्ना कमजोरीको फाइदा उठाउन सक्छन्, ध्यान राख्नुहोला । धनको आगमन भइरहने छ । मिठो भोजन खान पाउनुहुनेछ ।
वृष – शुभता र मान महत्व बढ्नेछ । मिठो भोजन प्राप्त हुनेछ । स्वास्थ्य कमजोर रहे पनि समुदायको हितमा राम्रै काम गर्न सकिनेछ । सामाजिक उत्तरदायित्व पनि बहन गर्नुहोला । मेहनतले विभिन्न अवसर जुटाउन सकिनेछ । समस्याको समाधान मिल्नेछ । शत्रुमाथि विजय प्राप्त हुनेछ ।
मिथुन – समय शुभ फलदायक रहनेछ । काम र जिम्मेवारी हात पार्ने मौका मिल्ला । कीर्तिमानी काम सुरु गर्ने समय हुनाले धेरैले साथ पनि दिनेछन् । खेलकुद र भ्रमणका साथै रसरागमा आकर्षण बढ्नेछ । ऋण, रोग र शत्रुमाथि विजय प्राप्त हुनेछ । प्रेममा सफलता प्राप्त हुनेछ ।
कर्कट – रसरागमा आकर्षण बढ्नेछ । भागदौड बढ्नेछ । बोली र व्यक्तित्वको प्रभाव बढ्ला । अस्वस्थता एवं काम बिग्रने भयले सताउन सक्छ, यसप्रति ध्यान राख्नुहोला । न्यून उपलब्धिमा चित्त बुझाउनुपर्ने अवस्था देखिन्छ । सुख सुविधाको वस्तुमा खर्च होला ।
सिंह – धन मान बढ्नेछ । सुख शान्ति र समृद्धि बढ्नेछन् । काममा लगनशील बन्दा दिगो फाइदा उठाउन सकिनेछ । ऋणमोचन हुने सम्भावना देखिन्छ । सुखद समाचारले उत्साह जगाउनेछ । बौद्धिक रचनात्मक कलात्मक आदि कार्यमा सफलता मिल्नेछ । ऋण रोग र शत्रुमाथि विजय प्राप्त होला । मनोकूलको काम बन्नेछ । सार्थक काममा रुचि बढ्ला ।
कन्या – पारिवारिक जीवन सन्तोषप्रद रहने छ । भाग्योदय हुनेछ । कीर्तिमानी काम सुरु गर्ने समय छ । धेरैले साथ दिनेछन् । अप्रत्यासित रुपमा धनको लाभ पनि हुने देखिन्छ । तथापि, प्रतिस्पर्धीहरूले समस्या उब्जाउन सक्छन् । यात्रामा आकर्षण बढ्नेछ । प्रयासरत काममा सफलता प्राप्त हुनेछ ।
तुला – भागदौड व्यस्तता बढ्नेछ । खेलकुद भ्रमण आदिमा आकर्षण बढ्नेछ । ऋण रोग र शत्रुमाथि ध्यान राख्नुपर्नेछ । समय र नियमलाई बेवास्ता नगर्नुहोला । विशेष जिम्मेवारी वहन गर्नुपर्ने स्थिति आउन सक्छ । रोकिएको काम बन्नुका साथै आम्दानीको स्रोत समेत बढ्नेछ । तथापि, जोखिममा नपर्नु हितकर हुनेछ ।
वृश्चिक – कार्यमा सफलता मिल्नेछ भने उत्साह वृद्धि होला । रोकिएका काम सम्पादन हुनेछन् । नयाँ काम र जिम्मेवारी हात पार्ने मौका छ । बौद्धिक जमातलाई आकर्षित गर्ने काम सम्पादन गर्न सकिनेछ । सोखले खर्च बढाउन सक्छ । सुखको वस्तु बढ्ने सम्भावना रहला । भोगविलासमा आकर्षण बढ्नेछ । आर्थिक लगानीमा वृद्धि हुनेछ । योजना र बजेट बनाइ कार्य गर्नु उचित हुनेछ ।
धनु – धन मान साहस बढ्नेछ । आयस्रोत बढ्ला । शुभचिन्तकहरूसँग भेटघाट हुनेछ । विगतका कमीकमजोरीलाई पनि सुधार गर्ने अवसर प्राप्त हुनेछ । अवरोधका बीच समुदायको हितमा राम्रै काम गर्न सकिनेछ । सामाजिक उत्तरदायित्व वहन गर्ने समय छ । पारिवारिक सुख आनन्द पनि बढ्नेछ । ऋण रोग र शत्रुसित लड्ने क्षमता बढ्नेछ ।
मकर – कर्मयोगी रहनुहुनेछ तर अरुको भरमा नबसेमा राम्रो रहला । प्रयासरत काम बन्नेछ । दीर्घकालसम्म फाइदा हुने काममा हात हाल्ने समय छ । धार्मिक तथा परोपकारजन्य क्रियाकलापबाट प्रतिष्ठा पाइनेछ । मंगलमय कृत्य सम्पादन गर्ने र भाग्योन्नतिको समय छ । आरोग्यता बढ्ला । कलात्मक र रचनात्मक क्षेत्रसित सम्बन्धित काममा सफलता मिल्नेछ भने सन्तानको सहयोग प्राप्त होला ।
कुम्भ – यात्रा होला । साझेदारीसित सम्बन्धित काम बन्नेछ । आम्दानीका नयाँ स्रोत फेला पर्नेछन् । श्रमको उचित मूल्यांकन हुनेछ । आज केही समस्या देखिए पनि दिन मनोरञ्जनपूर्ण रहनेछ । परिवारजनको साथले नयाँ आशा जगाउने छ । भोग विलासमा आकर्षण बढ्ला ।
मीन – ग्रहगोचर अत्यन्तै शुभ फलदायक छ । गरेका कामबाट प्रशस्त लाभ मिल्नेछ तर सोख पूर्तिका लागि खर्च भने बढ्न सक्छ । यात्रामा सफलता मिल्नेछ । आशा उत्साह बढ्नेछ । ऋण रोग र शत्रुसित लड्ने क्षमता बढ्ला । घरपरिवारको स्थिति अनुकूल होला । रोकिएको काम पूरा होला
