आजको पञ्चाङ्ग
श्रीशाके १९४४ नेपाल सं. ११४२ नलनामक सम्वत्सर वसन्त ऋतु वि.सं. २०७९ वैशाख २१ गते तद्अनुसार सन् २०२२ मे ४ तारिख बुधबार वैशाख शुक्लपक्षको तृतीया तिथि ५ः४५ पर चतुर्थी तिथि मृगशिरा नक्षत्र अतिगण्ड योग वणि करण आनन्दादिमा अमृत योग चन्द्रमा बृष राशिमा१५:१४बजेसम त्यसपछि मिथुन राशिमा भ्रमणशील रहनेछ । काठमाण्डौमा सूर्योदय बिहान ५:२५ मा भयो र सूर्यास्त सांझ१८:३८ बजेमा हुनेछ । ल.पु. मत्स्येन्द्रनाथ रथयात्रारम्भ ।
आजको राशिफल
मेष – सहयोगको आशा देखाउनेले नै धोका दिन सक्छ, ध्यान राख्नुहोला । पितृधनको उपयोगबाट विशेष फाइदा उठाउन सकिनेछ । अवसरवादीहरूले फसाउने चेष्टा गर्न सक्ने हुँदा विशेष योजना गोप्य राख्नुहोला । लगनशीलताले कीर्तिमानी दिलाउन सक्छ । आरोग्यता बढ्नेछ । ऋण रोग र शत्रुमाथि विजय प्राप्त हुनेछ । बोली र व्यक्तित्वको प्रभाव बढ्नेछ ।
वृष – शुभता वृद्धि हुने र रोकिएका काम बन्नेछन् । मिठो भोजन प्राप्त हुनेछ । अवसर आए पनि नयाँ काममा हात हाल्नुअघि राम्ररी विचार पुर्याउनुहोला । प्रयास गर्दागर्दै काम स्थगित हुनाले मन खिन्न रहन सक्छ । कमजोरीले चिन्ता बधाउला । धनको आगमन भने भैरहने छ । समस्याको समाधान मिल्नेछ । ऋण, रोग र शत्रुमाथि विजय प्राप्त होला ।
मिथुन – समय शुभ फलदायक रहनेछ । रमाइलो जमघटका बीच स्वादिष्ट भोजनको आनन्द पाइएला । दाम्पत्य जीवन रमाइलो रहनेछ। आम्दानी प्रशस्तै बढ्नेछ। विभिन्न भौतिक साधन जुट्नेछन् । गरिएका कामको राम्रै मूल्यांकन हुनेछ । व्यस्तता बढ्नेछ । आर्थिक काममा लाग्नु हितकर हुनेछ । रसरागमा आकर्षण बढ्नेछ । ऋण, रोग र शत्रुमाथि विजय प्राप्त हुनेछ । आरोग्यता वृद्धि हुनेछ । प्रेममा सफलता प्राप्त होला ।
कर्कट – रसरागमा आकर्षण बढ्नेछ । भागदौड बढ्नेछ । वार्तामा सफलता मिल्नेछ । बोली र व्यक्तित्वको प्रभाव बढ्ला । दिगो फाइदा हुने काम प्राप्त हुन सक्छ । चुनौतीहरू पन्छाउँदै रोकिएका काम बनाउन सकिनेछ । आतिथ्यपूर्ण सम्मान पाइएला । मेहनतले धेरैको मन लोभ्याउने उपलब्धि आर्जन हुनेछ ।
सिंह – बौद्धिक रचनात्मक कलात्मक आदि कार्यमा सफलता मिल्नेछ । स्वास्थ्यका लागि खानपानमा सचेत रहनुपर्ने बेला छ । पहिलेका समस्या दोहोरिन सक्छन् । उपचारमा खर्च हुने योग छ । मुख्य काममा बाधा हुँदा मन खिन्न हुनेछ । परिस्थिति अप्ठ्यारो देखिए पनि केही काम बन्नेछन् । शत्रुमाथि विजय प्राप्त होला । यात्रामा सफलता प्राप्त होला ।
कन्या – रोकिएको काम बन्नेछ । नयाँ कामको प्रस्ताव आउनेछ । अभिप्रेरित गर्नेहरू प्रशस्तै भेटिनेछन् । टाढिएका साथीभाइ नजिकिनाले हर्ष बढ्नेछ । धेरैले आफ्ना कामको तारिफ गर्नेछन् । पारिवारिक जीवन सन्तोषप्रद रहने छ । भाग्योदय हुनेछ । यात्रामा आकर्षण बढ्नेछ । प्रयासरत काममा सफलता प्राप्त हुनेछ ।
तुला – भागदौड व्यस्तता बढ्नेछ तर बोलीको भरमा काम सम्पादन हुने योग छ । विचारले धेरैलाई आकर्षण गर्नुहोला । आस मारेको काम बन्नाले उत्साह जाग्नेछ । भाग्यले नचिताएको फाइदा दिलाउन सक्छ । ऋण रोग र शत्रुमाथि ध्यान राख्नु पर्नेछ ।
वृश्चिक – सुखको वस्तु बढ्ने सम्भावना छ । अधिकार र प्रतिष्ठा जोगाउन सफल भइनेछ । हुलमुलमा धनमाल हराउन सक्छ, सचेत रहनुहोला । टाढाको यात्राको पनि सम्भावना छ । कामको चाप र थकाइबाट मुक्त रही विश्राम पाइनेछ । भोगविलासमा आकर्षण बढ्नेछ । पारिवारिक सुख शान्ति बढ्नेछ । योजना र बजेट बनाइ कार्य गर्नु उचित हुनेछ ।
धनु – आजको दिन धन मान साहस बढ्नेछ । विछोडिएका परिवारजनसँग भेटघाट हुनेछ । विगतका कमी(कमजोरीलाई पनि सुधार गर्ने अवसर प्राप्त हुनेछ । समुदायको भलाइ हुने काम सम्पादन गर्न सकिनेछ । रोकिएको काम बन्ला र लगानी उठ्नेछ । गौरव वृद्धि हुनेछ । पारिवारिक सुख आनन्द पनि बढ्नेछ । कार्यव्यपारमा सफलता पाउनुहुनेछ ।
मकर – कर्मयोगी रहनुहुनेछ तर अरुको भरमा नबसेमा राम्रो रहला । नजिकका साथीभाइ टाढिए पनि टाढाका साथीभाइ भेटिनेछन् । सानातिना घरेलु काममै अल्झनुपर्दा मन खिन्न रहनेछ । सवारीमा सावधानी अपनाउनुहोला । लेनदेनको विवादले अप्ठ्यारो पर्न सक्छ । विजयश्री प्राप्त होला । आरोग्यता बढ्ला । कलात्मक र रचनात्मक क्षेत्रसित सम्बन्धित काममा सफलता भेटिएला । इष्टमित्र र सन्तानको सहयोग मिल्नेछ ।
कुम्भ – साझेदारीसित सम्बन्धित काम बन्नेछ । विगतको श्रमबाट प्रशस्त धन लाभ हुनेछ । कामले अरूको मन लोभ्याउँदै दाम, इनाम र प्रतिष्ठा कमाउने बेला छ । सहयोगीहरू जुटिदिनाले आँटेका कामहरू पनि सजिलै बन्नेछन् । भोग विलासमा आकर्षण बढ्ला । ख्याति फैलिनेछ । छलकपट धोखाधडी आदिप्रति सचेत रहनुपर्ला ।
मीन – ग्रहगोचर अत्यन्तै शुभ फलदायक छ । आम्दानीका नयाँ स्रोत फेला पर्नेछन् । गरेका कामबाट प्रशस्त लाभ हुनेछ । श्रमको उचित मूल्यांकन होला । प्रियजनसँगको भेटघाटले दिन रमाइलो बनाउनेछ । यात्रामा सफलता मिल्नेछ । आशा उत्साह बढ्नेछ । घरपरिवारको स्थिति अनुकूल होला । रोकिएको काम पूरा होला ।
