आजको पञ्चाङ्ग
श्रीशाके १९४४ नेपाल सं. ११४२ नलनामक संवत्सर ग्रीष्म ऋतु वि.सं. २०७९ ज्येष्ठ १६ गते तद्अनुसार सन् २०२२ मे ३० तारिख सोमबार ज्येष्ठ कृष्णपक्षको अमावश्या तिथि कृतिका नक्षत्र ६ः५८ पर रोहिणी नक्षत्र सुकर्म योग किंस्तुघ्न करण आनन्दादिमा स्थिर योग चन्द्रमा वृष राशिमा भ्रमणशील रहनेछ । काठमाडौंमा सूर्योदय बिहान ५ः११ मा भयो र सूर्यास्त साँझ १८ः५३ बजेमा हुनेछ । सोमबारे औंसी, शनिजयन्ती ।
आजको राशिफल
मेष – आजको दिन अलिक विचार पुऱ्याउनुपर्ने किसिमको छ । विलासितामा खर्च बढ्ने र उच्च महत्वाकांक्षाका कारण केही नोक्सानीनिम्तिन सक्छ भने स्वास्थ्य पनि आज ठिक नरहला । कुनै कारणवश दण्ड-जरिवानाको पनि सम्भावना रहेकोले बोल्दा र काम गर्दा ध्यान दिनुहोला । पतिपत्नीबीच असमझदारी बढ्ने सम्भावना छ । यात्रामा भने सफलता प्राप्त हुनेछ । मित्रभाव वृद्धि होला । आफन्तको साथ प्राप्त हुनेछ ।
वृष – आरोग्यता बढ्नेछ । मनोकूलको काममा सफलता प्राप्त हुनेछ । आज परिवार तथा साथीभाइको सहयोग प्राप्त होला साथै धनलाभको पनि योग रहेको छ । व्यापार/व्यवसायमा लगानी बढाउने समय छ । आफन्त, परिवारजनमा आत्मीयभाव बढ्नेछ । शुभ काम बन्नेछ, समृद्धि बढ्नेछ । रसरागमा आकर्षणका साथै व्यस्तता बढ्नेछ ।
मिथुन – आज आकस्मिक धनलाभले मन प्रसन्न हुनेछ । पढाइमा पनि केहि प्रगती हुने दिन रहेको छ । आज ब्यापारबाट प्रशस्त धनलाभ हुनेछ भने भौतिक साधनहरू जुट्नेछन् । समस्याको समाधान प्राप्त हुनेछ । हांसविलासमा आकर्षण बढ्नेछ । ऋण रोग र शत्रुमाथि विजय प्राप्त हुनेछ । समयबाट बढी भन्दा बढी फाइदा लिनु बेस हुनेछ । देखापरेको समस्याको समाधान खोज्नुहुनेछ ।
कर्कट – सन्तानसुख बढ्ला, प्रेमभाव बढ्नेछ । तपाईंका कामको धेरैले प्रशंसा गर्नेछन् । नोकरीमा पदोन्नति र पढाइलेखाइमा पनि प्रगतिको समय छ । रमाइलो भ्रमण गर्ने अवसर प्राप्त होला, तर घर–जग्गा तथा बन्धुबान्धवसँग असमझदारी बढ्ने योग छ । मिठो भोजन प्राप्त हुनेछ । मान महत्त्वमा बढोत्तरी होला । आमोदप्रमोदमा रमिरहनु हुनेछ ।
सिंह – आज मिठो भोजनप्राप्ति र आरोग्य वृद्धि हुने दिन छ । तर खर्च भने बढ्ने योग छ । प्रेम र मित्रताको बन्धनमा कसिनेछ । काममा बाधा हुन सक्छ । प्रतिस्पर्धीहरूले आफ्नो ठाउँ ओगट्न सक्छन् । बौद्धिक रचनात्मक र कलात्मक काममा सफलता मिल्नेछ ।
कन्या – अस्वस्थता भए पनि कामबाट फुर्सद नमिल्ला । हातमा आएका केही अवसर गुम्न सक्छन्, होसियार रहनुहोला । चोटपटक वा हाड–जोर्नीमा समस्या आउने देखिएकाले सवारीसाधन वा हातहतियार उपयोग गर्दा सावधानी अपनाउनुहोला । आँट उत्साह भने बढ्ने नै देखिन्छ । समस्याको समाधान मिल्नेछ । यात्रामा सफलता प्राप्त हुनेछ । आफन्तको साथ प्राप्त हुनेछ ।
तुला – शुभ र धनवर्द्धक काममा ध्यान केन्द्रित गर्नु बेस होला । आज खराब व्यक्तित्वको विश्वासमा पर्नाले काममा धोका हुन सक्छ, ध्यान राख्नुहोला । आफ्नै कमजोरीले परिवारजनमा असन्तुष्टि बढ्न सक्छ । स्वास्थ्य सबल बन्नेछ भने विभिन्न अवसरले पछ्याउन सक्छन् । रसरागमा रुचि बढ्नेछ । योजना र बजेट बनाई काम गर्नु हितकर हुनेछ ।
वृश्चिक – आरोग्यता र धन सम्पति बढ्ला । साहसिक काम बन्नेछ । तपाईंको प्रतिभाको उच्च मूल्यांकन हुनेछ । नोकरीमा पदोन्नति र राजनीतिमा लाग्नेहरूलाई विशेष फाइदा हुने समय छ । तथापि, समयमा निर्णय लिन नसक्ता हातमा आएको अवसर गुम्न सक्छ । मान(सम्मानप्रति सावधान रहनुहोला । आज रोकिएका काम बनी, नयाँ काम सुरु हुनेछन् । आफन्तको सहयोग मिल्नेछ । योजना र बजेट बनाइ कार्य बेस होला ।
धनु – रोकिएको काम बन्नुसंगै उधारो लगाइएको धन पनि उठ्ला । तर आज जीवनसाथीको समस्याले चिन्ता बढाउन सक्छ । स्थायी सम्पत्तिका विषयमा केही विवाद आउन सक्छ । अन्धविश्वासको भरमा काम गर्नाले दुःख पाइनेछ । धार्मिक काममा बाधा सृजना हुन सक्छ सजक रहनुहोला । बौद्धिक र रचनात्मक कार्य भने बन्नेछ । गीतसंगीत र रसरागात्मक काममा आकर्षण बढ्नेछ । सन्तानसुख बढ्ला ।
मकर – ऋण रोग र शत्रुलाई जित्ने सामर्थ्य बढ्नेछ । नियमकानूनले साथ दिनेछ । जीवनसाथीको सहयोगले थप लाभ र आनन्द मिल्नेछ । मानसम्मान प्राप्त हुन सक्छ । प्रतिष्ठित व्यक्तित्वसँग भेटघाट हुनेछ । मंगलमय काम सम्पादन हुनेछ । भएको दायित्वलाई पूरा गर्नुहुनेछ ।
कुम्भ – कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्नेछ । प्रेम र मित्रताको बन्धन कसिने बेला छ । प्रतिस्पर्धीलाई परास्त गर्न सकिनेछ । परिवारजनको सहयोगले उत्साह बढाउनेछ । स्वास्थ्यका लागि भारी खानपानमा सजग रहनुहोला । सुखद समाचारले काममा उत्साह जगाउनेछ । रोकिएको काम बन्नेछ । रसरागमा आकर्षण बढ्ला ।
मीन – आफन्तको साथ मिल्नेछ । आर्थिक पक्ष बलियो बन्नेछ । परिवारजनको सहयोगले विशेष कामहरू बन्नेछन् । दाम्पत्य सम्बन्ध सुमधुर बन्नेछ । टाढाको यात्राबाट धनलाभ हुन सक्छ । प्रेम र मित्रताको बन्धन कसिने समय छ । साझेदारीको काम बन्नेछ । सुख सुविधाको वस्तु बढ्नेछन् । ऋण रोग र शत्रुलाई जीत्ने सामर्थ्य बढ्ला ।
